web counter
LEXO PA REKLAMA!

SHKARKO APP

App Store
Google Play

E fundit!

x

Reforma Zgjedhore/ Balla mesazh opozitës

12 Shtator 2019, 09:14, Politikë CNA

Kreu i grupit parlamentar të Partisë Socialiste, Taulant Balla gjatë fjalës së tij në seancën e sotme të Kuvendit, kryefjalë ka pasur Reformën Zgjedhore.

Balla i ka bërë apel opozitës në parlament që të bashkojnë votat për Reformën Zgjedhore, ndërsa theksoi se opozita jashtë parlamentit ishte kundër votës së emigrantëve.

“Zoti Murrizi ua kemi thënë kemi pasur vetëm një cështje kusht për reformën zgjedhore, votën e shqiptarëve jashtë. Paraardhësit tuaj nuk e duan, shpresoj që ju të jeni dakord me këtë cështje. Përsa i përket rekomandimeve të OSBE-së për një vend si Shqipëria që vitin tjetër drejton ka presidencën janë detyrim. Padyshim historikisht teksa janë bërë reforma zgjedhore është punuar në mënyrë koherente me opozitën parlamentare dhe jo parlamentare.

Në rezultatet e zgjedhjeve të fundit, PD-LSI rezultojnë parti parlamentare, harroje ti se paskam dashuri për Lulzim Bashën, por kam respekt për dialogun politik gjithëpërfshirës. Në komisionin e reformës i është lënë edhe një karrige bosh PD-së për të ushtruar të drejtën e saj për propozime. Nëse nuk duan, nuk do të thotë se reforma zgjedhore do të mbetet peng. Rudina Hajdari dhe Gjiknuri komunikojnë në mënyrë të vijueshme. Komisioni prej sot do të ketë edhe dy anëtar të tjerë, grupi i partive të djathta, zoti Alimadhi është propozuar nga grupi dhe zoti Shameti, një jurist i shquar, një vlerë për komisionin. Do të kemi një kod të ri zgjedhor pas këtij procesi”-tha ndër të tjera Balla./ CNA.al





Lajmet e fundit nga