E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Rrezikohet e ardhmja/ Raporti zbulon gropën e pensioneve dhe jep alarmin

8 Shtator 2019, 18:15, Denoncim CNA

Shumat e fondeve të dala për të kompesuar mbushjen e gropës që shkakton skema e pensioneve vijojnë të mbeten një fenomen gërryes i financave publike, pavarësisht reformës së gjerë të ndërmarrë në këtë sektor.

Konkluzioni vjen nga institucioni i Kontrollit të Lartë i Shtetit (KLSH), sipas të cilit përmirësime ka, por skema vuan ende nga numri i ulët i kontribuesve, çka vë në rrezik edhe pensionet e gjeneratës aktuale të të rinjve në të ardhmen.

Konkluzionet e KLSH-së dalin pas një auditim të shtrirë në kohë lidhur me veprimtarinë e Institutit të Sigurimeve Shoqërore(ISSH).

Sipas raportit, pesha që zë financimi i skemës në Produktin e Brendshëm Bruto (GDP) luhatet rreth 3%, duke ruajtur të njëjtin trend si pesha në total në buxhetin e shtetit. Kjo është një vlerë e lartë, që në rekomandimet e bëra e KLSH, duhet të rishikohet për t?u ulur në reformat që duhet të ndërmarrë ISSH.

Aktualisht në Shqipëri përfitojnë pensione 621,2 mijë pensionistë dhe paguajnë kontribute 752,4 mijë kontribues. Norma e varësisë së sistemit është 1,22 që do të thotë se 122 kontribues mbulojnë 100 pensionistë.

Por të ardhurat e mbledhura nga kontributet janë të pamjaftueshme për të mbuluar të gjitha shpenzimet për përfitime dhe, për rrjedhojë, diferenca mbulohet nga buxheti i shtetit. Defiçiti i skemës në vitin 2018 përbën 20% të fondit të ISSH-së dhe 5,12% të total buxhetit të shtetit apo 1,6% të PBB-së. Sipas raportit të KLSH, edhe pse në vitin 2014 u ndërmor një reformë e re në sistemin e sigurimeve shoqërore, ku një nga objektivat e saj ishte ulja e defiçitit në 1% të PBB-së deri në vitin 2018, mesa duket reforma nuk ka rezultuar e suksesshme në përmbushjen e këtij objektivi.

Raporti i KLSH, po ashtu, evidenton qartazi se një nga shkaktarët kryesorë të defiçitit të skemës së pensioneve është evazioni i lartë i kontributeve për shkak të përqindjes së ulët të derdhjes së kontributeve, si pasojë e punës në të zezë.