Arrestohen 10 persona në Tiranë/ Pranga edhe autorit të plagosjes së 4-fishtë

5 Shtator 2019, 10:13, Kronika CNA

Gjatë orëve të fundit policia e Tiranës ka arrestuar dhe proceduar 10 persona.

Mes të arrestuarve është edhe një 52-vjeçar i akuzuar për plagosjen e katër personave.

Në pranga është vënë shtetasi R. K., 52 vjeç, banues në Tiranë, për veprën penale “Plagosje e rëndë me dashje”. Ky shtetas pas një konflikti për motive të dobëta në zonën e “Ali Demit” ka goditur dhe plagosur me mjete të forta 4 shtetas.

Njoftimi i policisë:

Strukturat e D.V.P. Tiranë në vijim të punës për evidentimin dhe goditjen e paligjshmërisë, kapjen dhe vënien para përgjegjësisë ligjore të autorëve të veprave penale, gjatë orëve të fundit kanë arrestuar në flagrancë shtetasit:

A. Gj., 16 vjeç dhe A. I., 19 vjeç, të dy banues në Tiranë, për veprën penale “Vjedhje me dhunë e kryer në bashkëpunim”. Këta shtetas në bashkëpunim me njëri-tjetrin i kanë vjedhur me dhunë një telefon shtetasit E. K.

U arrestua shtetasi M. H., 29 vjeç, banues në Tiranë, për veprat penale “Vjedhja e kryer në bashkëpunim e mbetur në tentativë” dhe ?Dhunimi i banesës?, si dhe u procedua në gjëndje të lirë shtetasi S. A., 16 vjeç, pasi janë gjetur brenda banesës së shtetases M. Y., si dhe kanë tentuar të vjedhin mjetin e shtetases I. L.

U arrestua shtetasi M. Ç., 26 vjeç, banues në Tiranë, për veprën penale “Shkelje e rregullave të qarkullimit rrugor. Në rrugën ?Llazi Miho? ky shtetas ka aksidentuar me mjet shtetasin L. H., i cili ndodhet në spital nën kujdes mjekësor.

Është ndaluar për veprën penale “Vjedhja”, shtetasi : V. S., 27 vjeç banues në Tiranë, pasi në rrugën Dervish Hima” dhe ?Mustafa Matohiti? iu ka vjedhur biçikletat shtetasve L. H., dhe K. P.

Gjithashtu gjatë orëve të fundit janë lokalizuar dhe kapur dy shtetas të shpallur në kërkim, konkretisht: Rr. B., 57 vjeç dhe A. A., 61 vjeç ( të dy banues në Tiranë) të shpallur në kërkim për veprat penale ”Krijimi i skemave mashtruese lidhur me tatimin me vlerën shtuar ” dhe ”Fshehje e të ardhurave?.
Po gjatë orëve të fundit është proceduar në gjëndje të lirë shtetasia:

Q. A., 51 vjeçe për veprën penale ?Vënie në dispozicion të lokaleve për lojra të palejuara ?, pasi në rrugën ?Lord Bajron”, gjatë kontrollit të ushtruar në ambientet e brendshme të ?bar-kafe?, në pronësi të kësaj shtetaseje u konstatua një kompjuter i cili dyshohet se përdorej për zhvillimin e palejuar të lojërave të fatit.

Vijon puna nga strukturat e D.V.P. Tiranë për evidentimin dhe goditjen e paligjshmërisë.