E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Publikohet fatura/ Kur Basha si ministër, shpenzonte 3 mijë euro për të fjetur në resortin superluksoz në Zvicër

29 Gusht 2019, 20:09, Politikë CNA

Prej disa ditësh, opozita ka krijuar një kauzë të re, në faturën prej 700 euro të paguar nga ministrja e Drejtësisë, Etilda Gjonaj, për qëndrimin e saj dhe të stafit në një takim pune në Bruksel.

Sipas Partisë Demokratike, një faturë e tillë mjafton për të dëshmuar abuzimin e qeverisë me paratë e taksapaguesve shqiptarë, ndonëse ishte vetë Ministrja Gjonaj, që bëri publike faturat dhe shpjegoi me detaje mënyrën se si u shpenzua kjo shumë në këtë udhëtim të detyruar.

Megjithatë, nëse Ministrja Gjonaj shpenzon 700 euro për qëndrim në një vizitë pune, Lulzim Basha shpenzonte 5-fish më shumë, në kohën kur ai ishte ministër, për t?u relaksuar në një resort superluksoz skish në Zvicër me taksat e shqiptarëve.

?Lexo.al? ka siguruar faturën e paguar nga lideri i opozitës për qëndrimin e tij në destinacionin piktoresk të Klostersit, nga data 27 janar 2009, deri në 1 shkurt.

Kujtojmë që në këtë kohë, Lulzim Basha ishte ende ministër i Punëve të Jashtme, nën presion publik sepse marrëveshja skandaloze për shitjen e detit ishte rrëzuar vetëm prej pak javësh nga ana e Gjykatës Kushtetuese.

Resorti me pesë yje ofron dhomat, siç dëshmon edhe fatura, për një vlerë prej 695 frangash zvicerane nata, pothuajse 600 euro. Për katër ditë qëndrimi, Basha ka shpenzuar rreth 2 500 euro.

Fatura më pas është rrumbullakosur me pije, shërbim në dhomë dhe shërbime të tjera që ofrohen në këtë hotel prestigjioz. Në total, Basha ka shpenzuar plot 3 771 franga zvicerane, më shumë se 3 mijë euro nga parate e taksapaguesve shqiptarë.

Një ministër në Shqipëri paguhet rreth 1,7 milionë lekë të vjetra, më pak në vitin 2009, pra një faturë e tillë do të ishte e barazvlefshme me 2 muaj e gjysmë pagë, , por që në fakt janë paguar nga buxheti i shtetit.

?Lexo.al? ka siguruar edhe fotot e ambienteve të brendshme dhe të jashtme të hotelit ?Piz Buin? të Klostersit, bashkangjitur në këtë galerinë e këtij artikulli.

Nuk është hera e parë që lideri i opozitës është akuzuar për fshehje të ardhurash apo abuzim me fondet publike, akuza për të cilën ai nuk është përgjigjur kurrë publikisht.

Aktualisht, Lulzim Basha është nën hetim nga Prokuroria Shqiptare, për aferën e lobimit rus, për një shumë prej 1 milionë dollarësh të padeklaruar, me prejardhje nga oligarkë rusë, të cilët ndihmuan ?bujarisht?, e në dukje pa asnjë interes Partinë Demokratike duke paguar faturat e saj të lobimit në SHBA në zgjedhjet e përgjithshme të vitit 2017.