E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

PD publikon të tjera dokumente për Kajmakun/ Akuza të forta Arta Markut

27 Gusht 2019, 12:31, Politikë CNA

Partia Demokratike vijon akuzat në drejtim të kryebashkiakut të Vorës, Agim Kajmaku.

Në një deklaratë për mediat, Sekretari i Përgjithshëm i PD-së, Gazment Bardhi ka publikuar sot të tjera dokumente, që sipas tij vërtetojnë arrestimin e Kajmakut në Greqi.

Ndërsa ka publikuar të dhënat e sistemit TIMS, që faktonin arrestimin e Kajmakut, Bardhi ka sulmuar ashpër kryeprokuroren Arta Marku, që sipas kësaj force politike, po ndihmon kryebashkiakun e Vorës, Agim Kajmakun, përmes një loje të mirëmenduar kriminale, duke vonuar sa më shumë të vërtetën mbi arrestimin e tij në Greqi.

Bardhi ka akuzuar kryeministri Edi Rama, i cili sipas tij, përmes ?Katicës? së tij në Prokurori, po tenton të mbrojë kriminelin e radhës.

?Këtë e di edhe Edi Rama. Këtë e dinë edhe partnerët tanë ndërkombëtarë. Kjo është një provë e pakontestueshme që organi i prokurorisë mund ta verifikojë brenda 1 minuti, sepse ka akses të plotë në sistemin TIMS. Por ?Katica? e korruptuar e Edi Ramës në Prokurorinë e Përgjithshme, nuk e bën këtë, sepse po zbaton strategjinë e Edi Ramës për të mashtruar opinionin publik. Arta Marku shpërndan lajme që ajo po vepron me shpejtësi dhe i ka kërkuar subjektit nën verifikim që të depozitojë gjurmët e tij daktiloskopike.

Kjo është e paligjshme. Sipas ligjit të dekriminalizimit, gjurmët e gishtave nuk i kërkohen personit. Ato merren në sistemin e të dhënave shtetërore biometike të shtetasve shqiptarë. Agim Kajmaku është i pajisur me pasaportë biometike dhe shenjat e tij të gishtave gjenden në sistem. Sipas ligjit ato i kërkohen personit që t?i depozitojë vetëm nëse nuk ndodhen në sistem. Ky nuk është rasti as i Agim Kajmakut, as i Valdrin Pjetrit, sepse që të dy janë në sistem dhe posedojnë një pasaportë biometrike.

Akti i paligjshëm i Arta Markut me kërkesën për dhënien e gjurmëve të gishtave, është një lojë e mirëmenduar kriminale, që synon të vonojë dhe të mbrojë kriminelët e pushtetshëm të Edi Ramës. Mbi këtë fakt skandaloz dhe të paligjshëm të kryer në bashkëpunim nga Edi Rama dhe Arta Marku, Partia Demokratike ka informuar që dje, në mënyrë urgjente, të gjithë trupin diplomatik në vend.

Partia Demokratike rithekson se Edi Rama dhe ?Katicat? e tij të korruptuara në prokurori, mund ta pengojnë apo vonojnë nxjerrjen e rezultateve zyrtare për këtë rast, por ato nuk do të arrijnë kurrë ta fshehin të vërtetën apo të zgjasin agoninë në pushtet të Edi Ramës. Edi Rama do të largohet me turp dhe do të hyjë në histori si Kryeministri që i la trashëgimi këtij vendi vetëm kriminalizimin e çdo zyre të shtetit dhe promovimin në politikë e administratë të një armate me kriminelë, vrasës, përdhunues, trafikantë droge e deri tek falsifikatorë të parave?, tha Bardhi./ CNA.al