web counter
LEXO PA REKLAMA!

SHKARKO APP

App Store
Google Play

Serbi-Maqedoni e Veriut, pakt për kontrollin e kufirit

26 Gusht 2019, 16:57, Kosova & Bota CNA

Nga e hëna e në vijim Serbia dhe Maqedonia e Veriut do të zbatojnë kontrollin e përbashkët të lëvizjes së njerëzve dhe mallrave në vendkalimin kufitar në mes të Preshevës dhe Tabanocës.

Kryeministrja serbe, Ana Bërnabiç, dhe kryeministri maqedonas, Zoran Zaev, përuruan fillimin e zbatimit të marrëveshjes për menaxhimin e integruar të kufirit, duke e vlerësuar se ky duhet të jetë shembull për bashkëpunimin rajonal, raporton radioja “Zeri i Amerikës”.

Sipas të njejtës, në koment të këtij akti Zaev u shpreh: ?Me këtë do të shpejtohet lëvizja e udhëtarëve, mallrave dhe automjeteve. Do të rritet numri i turistëve në të dy shtetet dhe i turistëve të cilët kalojnë nëpër dy vendet tona?, duke theksuar se me njohjen e çertifikatave ndërkufitare midis dy vëndeve do të shmangen mashtrimet doganore, do të lehtësohet lufta kundër korrupsionit dhe do të shtohet mirëbesimi dhe tregtia ndërmjet të dyja vendeve.

Nga ana tjetër homologia e tij serbe, Ana Bërnabiç, tha se sistemi i integruar i kufirit do të mundësojë lëvizjen më të shpejtë të kamionëve dhe do të nxisë tregtinë rajonale. Bernabiç shfrytëzoi rastin për të kritikuar vendimin e Prishtinës zyrtare për vendosjen e tarifave prej 100 për qind ndaj mallrave serbe dhe atyre të Bosnjë e Hercegovinës, duke përsëritur thirrjen për heqjen e tyre.

?Serbia, do të kërkojë rrugë alternative përmes marrëveshjeve me shtete të tjera për zhvillimin e tregtisë?, u shpreh kryeministrja Bernabiç.





Lajmet e fundit nga