Dy memorialë turke, një që na nderon dhe një që na turpëron!

17 Gusht 2019, 10:27, Politikë CNA

Nga Altin Goxhaj

* Në Shkodër ka një memorial për Hasan Riza Pasha, komandanti turk që mbrojti Shkodrën nga serbo-malazezët në 1912-1913! Një hero turk që u vra nga njerëzit e Esad Pashë Toptani me qëllim dorëzimin e Shkodrës serbo-malazezëve, u varros me nderime nga gjithë Shkodra në vitin e trishtë dhe të dhimbshëm të 1913!
Atë e respektojmë dhe e nderojmë se ka dhënë jetën duke mbrojtur shqiptarët!

Një herë kur dikush i papërgjegjshëm ja nxori inatin memorialit (duke e dëmtuar pak), si revoltë ndaj një historiani turk që ofendoi Skënderbeun dhe kish qenë për homazhe 1 ditë më parë te ai memorial, solli një reagim kundërshtues ndaj aktit të vandalizmit si nga opinioni publik dhe politika por njëkohësisht edhe revoltë ndaj historianit turk antishqiptar Talha Ugurluel!
Turku Hasan Riza Pasha e meriton monumentin dhe është një nga ato raste që forcojnë miqësinë (si miq dhe jo si vëllezër) midis popullit shqiptar dhe atij turk pavarësisht se turqit ndodheshin si pushtues në atë kohë! Sepse shqiptarët e kanë pas gjithmonë këtë vlerë morale të respektit ndaj miqve dhe atyre që u gjenden në krah në ditë të këqija pavarësisht konjukturave globale!

Por ajo që e inkurajoi këtë status është vendosja e monumentit të tij në 2006 u mor me vendim të Këshillit Bashkiak të Shkodrës publikisht dhe vendosja u bë duke respektuar çdo proçedurë publike sipas legjislacionit të kohës!

Ndërsa ky memoriali i mbështetësve të Erdoganit në Tiranë që na turpëron por edhe dëmton para gjithë botës, u vu në Tiranë hajdutshe nga Veliaj dhe Rama, në errësirë totale por në miratim të plotë nga Klika Politike e Tiranës duke shkel çdo ligj dhe duke u “çertifiku” me miratimin e heshtur të PD të përfaqësuar nga Kryetari i Grupit të PD të Këshillit Bashkiak Tiranë! Ky memorial ka skandalizuar gjithë aleatët e sinqertë të Shqipërisë dhe ka lumturuar Serbinë dhe Greqinë dhe natyrisht gjithë neotomanistët e Erdogan në Tiranë dhe Ankara! Kurrë Shqipëria nuk ka rrëshqit kaq larg pranueshmërisë në familjen Europiane të cilës i përket se sa sot si një akt i paparashikueshëm i Klikës Politike Sorosiste AntiAmerikane të Tiranës!!!

Ja pra 2 memorialë turke që tregojnë 2 standarde të kundërta por edhe shpjegojnë që qëndrimi kundërshtues që ka filluar në Shqipëri ndaj Memorialit të Turpit me një përfundim të sigurtë të heqjes së tij, tregon se reaksioni nuk është kundër Turqisë e aq më pak turqve (e s’ka kurrfarë lidhje me pretendimin absurd për islamofobi) por ndaj kësaj arrogance fyese të neotomanistëve të Tiranës, klyshëve të Soros dhe Erdogan Rama, Veliaj, Basha!!!/ CNA.al