web counter
LEXO PA REKLAMA!

SHKARKO APP

App Store
Google Play

E fundit!

x

“Dy fjalë për Zonjën Topalli”/ Desada Metaj i përgjigjet Mero Bazes

15 Gusht 2019, 20:01, Politikë CNA

Gazetari Mero Baze ka shkruar një opinion sot ku del në krah të ish-kryeparlamentares dhe ish-nënkryetares së PD-së, Jozefina Topalli.

Në shkrimin e tij, ndër të tjera gazetari Baze shkruan se ?Jozefina Topalli është pjesë e një memorie historike të PD, nga ato që u desh të përballej me një opozitë të egër dhe të identifikohej me një luajalitet shpesh të padurueshëm me Berishën. Kjo e bëri atë figurë politike në PD.?(lexo ketu)

Por, pas këtij shkrimi ka reaguar gazetarja Desada Metaj, e cila shkruan për Jozefina Topallin, por edhe pse duke e mbajtur steken lart, hedh akuza të forta në drejtim të qeverisë së Berishës.

Nga Desada Metaj:
Edhe 2 fjalë për zonjën Topalli dhe mbrojtësit e saj publikë ( që për fat dëshmojnë se kur bie fjala tek Rama, të gjithë bashkohen kundër PD).

1. Zonja Topalli ka qenë e vetmja grua në PD që në opozitën e parë kishte postin e nënkryetares së kuvendit dhe në 2005 dhe të numrit dy në drejtimin e partisë.
Menyra si ajo e ushtroi pushtetin e saj mund te debatohet shumë, sidomos për vlerat që përçoi dhe se si menaxhoi bastionin e demokratëve, Shkodrën. Ajo kurrë nuk garoi për poste dhe detyrat që Sali Berisha ja dha pa kursim dhe me pakënaqësi nga një pjesë e PD!

2. Zonja Topalli vërtet nuk promovoi këngëtaret në krye të FRPD, por nuk e ngriti kurrë zërin për të çliruar të djathtën nga çingijet. Asnjë figurë e së djathtës, qoftë në Shkodër apo Shqipëri nuk u promovua prej saj. Thjesht lidhje klienteliste ( të zakonshmet e politikës shqiptare) për të cilat ajo akuzon aot lidershipin e PD.

3. Zonja Topalli luftoi nga dita e parë që Berisha i hapi derën e partisë, deri ditën që zgjodhi të largohej vetëm e vetëm që ti fitonte zemrën, hapësirat politike apo ndoshta dhe trashëgimninë Sali Berishës.
4. Në të vetmen herë që kishte mundësi të zgjidhte një kryetar tjetër në PD dhe jo Lulzim Bashën, ajo zgjodhi atë që Berisha kishte për zemër. Votoi Lulzim Bashën!

Një zonjë politikane, e djathte dhe me parime më të forta se inati, nuk mund dhe nuk duhet të sulmojë partinë e saj dhe të jetë sinkron me Edi Ramën!

Ndaj sot ndoshta e meriton që të vetmit avokatë publikë të saj, janë ata që e kanë tallur më keq dhe kanë sajuar të gjithê barsaletat që qarkullojnë për betejat e vockla se kë preferonte Marshalli !
P.S. të bësh avokatinë e opozitës dhe PD sot, mund të jetë turp vetëm nëse të paguan Rama!/ CNA.al

 





Lajmet e fundit nga