web counter
LEXO PA REKLAMA!

SHKARKO APP

App Store
Google Play

Shënim/ Basha nuk di se ç'thotë dhe nuk di se ç'bën

2 Gusht 2019, 11:37, Politikë CNA

Kreu i PD Lulzim Basha është në një rrugë pa krye dhe tejet i çoroditur.

Nuk di çfarë deklaron, harron çfarë deklaron, vijon gënjeshtrat tallet me demokratët dhe shqiptarët. Pasi dogji mandatet, la Parlamentin, duke e futur PD dhe Opozitën në qorrsokak.

Me 30 Qershor, Basha nuk hyri në zgjedhje me pretekste të ndryshme, megjithëse kjo datë ishte shpallur nëntë muaj para, pas konsultimit me të.  Pra, Presidenti ishte konsultuar edhe me PD-në, por Basha nuk hyri në zgjedhje.

Tani del dhe thotë që KQZ të bëjë gati zgjedhjet e 13 Tetorit, se kështu është dekreti i Presidentit në fuqi, por nuk thotë se do të hyjë në zgjedhje.

“Shteti dhe partia janë dy gjëra të ndryshme. Ka një ndryshim rrënjësor midis të drejtës kushtetuese dhe të drejtës partiake. I vetmi akt me fuqi kushtetuese në lidhje me zgjedhjet është dekreti i Presidentit për zhvillimin e zgjedhjeve më 13 tetor. Është detyrim i pashmagshëm dhe i padiskutueshëm i KQZ-së dhe institucioneve të tjera shtetërore të përgatisin infrastrukturën për këto zgjedhje. Partitë politike, pastaj, kanë të drejtën e tyre të marrin apo jo pjesë në këto zgjedhje?, është kjo një pjesë e deklaratës së Bashës, në lidhje me kërkesën drejtuar KQZ-së.

Por, kur ai si Opozitë, nuk hyri në zgjedhje me 30 Qershor dhe nuk e di nëse do të hyjë edhe me 13 Tetor, përse do të organizohen zgjedhjet?

Që të kemi sërish një palë zgjedhje të tjera ku të fitojnë kandidatët e PS dhe taksapagueseit shqiptarët shpenzojnë qindra-miliona euro, për zgjedhjet?

Pasi zgjedhjet, duan komisone, KZAZ, duan fletë votimi, kuti, pra kanë kosto zgjedhjet. Një palë zgjedhje  qëu bënë na kushtua disa qindra miliona euro, dhe tashmë na u dashkan dhe një palë të tjera se ka qejf Luli të mos hyj në zgjedhje.

Sipas tij, të bëhet gati KQZ, por hyn apo s’hyn në zgjedhje është punë tjetër.  Kjo është tallje e hapur me qytetarët dhe me demokratët dhe me PD në tërësi, të cilën po e çon drejt fundit./CNA.al





Lajmet e fundit nga