web counter
LEXO PA REKLAMA!

SHKARKO APP

App Store
Google Play

E fundit!

x

Nga shkolla e Magjistraturës tek Këshilli Bashkiak ?/ Sa i ka kushtuar buxhetit të shtetit, miku i Veliajt

1 Gusht 2019, 09:24, Politikë CNA

Këshilli bashkiak i Tiranës, që ndryshe quhet qeveria e kryeqytetit,  është i mbushur me zëvendësministra.

Një ndër ta është edhe Toni Gogu, zëvendësministri i Drejtësisë, i cili u zgjodh edhe në krye të Këshillit Bashkiak.

Gogu,është pastori, i cili ka celebruar martesën e Veliajt dhe pas zgjedhjes në krye të Këshillit Bashkiak, ka shkaktuar një debat në rrethin e politikës, dhe të analistëve.

CNA.al nuk do të ndalet tek perceptimet, por tek faktet, tek lidhjet e tij me Veliaj dhe pasuria që z. Gogu ka deklaruar gjatë kohës që ka ushtruar funksione zyrtare.

Duket se Veliaj di t’ua shpërblejë dhe t’ua ktheje nderin miqve të tij, Dikujt, me tendera dhe dikujt, dikujt me poste.

Gogu, nuk është kufizuar vetëm në aspektin fetar, por ka shkuar më tej në rrethin e politikës dhe të drejtësisë, madje deri në Shkollën e Magjistraturës.

Kështu që pa dyshim mund të thuhet se Erion Veliaj ka qenë pjesë e bordit të Shkollës së Magjistraturës nëpërmjet Gogut.

Nuk duam të aludojmë por në politikë, koha e ka treguar se nderet lahen me ndere.

Mbase, këto ndere e bënë Gogun kryetar të Qeverisë së Tiranës.

Nga vëzhgimi i deklaratave të pasurisë, të marra pranë ILDKPKI-së, rezulton se Gogu, radhitet në listën e zyrtarëve të pasur.

Ai ka pasuri të patundshme në Pezë, dhe konkretisht një arë, me sipërfaqe  1862 m2, mbi të cilën ka ndërtuar banesë me materiale të lehta siç thotë ai me sipërfaqe  244 m2. Vlera e sipërfaqes së arës është 3 400 000 dhe vlera e banesës 5 400 000 lekë.

Në vitin 2016 ai deklaron se ka porositur dhe një banesë në Tiranës, me vlerë 100 000 euro, por në vitin 2017 thotë se ka prishur këtë kontratë.

Më poshtë po sjellim të detajuar pasurinë e deklaruar nga Toni Gogu.

Viti 2013

Pakësim në llogarinë rrjedhëse, të pagës, gjendja është 66 549 lekë.

Investim në fondin Raiffeissen Prestigj, në shumën 1 000 000 lekë. Pas shitjes së 195  kuotave me fitim, 3 544 lekë dhe shitjes së 276 kuotave, gjendja është  536 776 lekë.

Paga nga Agjencia e sigurimit të depozitave, 2 675 935 lekë.

Shpërblim, 1 006 527 lekë.

Shpërblim si anëtar i Këshillit drejtues të sigurimit të depozitave, 719 732 lekë.

Fitim i realizuar nga investimi në fondin Raiffaissen Prestigj,11 312 lekë.

Kredi, shlyer 290 928 lekë, ndërsa pa papaguar 6 739 838 lekë.

Kredi, paguar, 240 651 lekë, ndërsa papaguar 1 383 744 lekë.

Kredi për blerje automjeti, paguar 3676 euro.

Viti 2014

Shtesë në llogarinë rrjedhëse, 274 611 lekë.

Investim në fondin Raiffaissen Prestigj. Shuma në llogari është  536 776 lekë.

Gjendje cash nga shitja e automjetit, 600 000 lekë.

Paga nga Agjencia e sigurimit të depozitave, 2 511 233 lekë.

Shpërblim, 1 216 000 lekë.

Shpërblim si anëtar i Këshillit drejtues të sigurimit të depozitave, 727 650  lekë.

Fitim i realizuar nga investimi në fondin Raiffaissen Prestigj, 43 652  lekë.

Viti 2015

Pakësim i llogarisë rrjedhëse, 113 414 lekë.

Gjendje cash nga shitja e automjetit, 600 000 lekë.

Paga nga Agjencia e sigurimit të depozitave, 1 419 435 lekë.

Shpërblim 461 872 lekë.

Shpërblim si anëtar i Këshillit drejtues të sigurimit të depozitave, 310 888 lekë.

Viti 2017 (Deklarate fillestare)

Arë, me sip 1862 m2 në Pezë,ndërtuar banesë me materiale të lehte me sip, 244 m2. Vlera 3 400 000 dhe 5 400 000 lekë.

Gjendje likuiditeti, në shumat 1 982 403 31 lekë,54.81 dollarë amerikan dhe  475.68 euro.

Kontratë porosie për shtëpi banimi  me sip 80 m2  dhe 11 m2 verandë në Tiranë, me vlerë 100 000 euro.

Të ardhura nga detyra e drejtorit kombëtar për organizatën Ëorld Vision , 6 974 899 lekë.

Kredia individuale për mobilim në shumën 1 909 732 04 me afat 3 vjet.

Kredia individuale, marrë në 2007 për banim në shumën 7 600 000 lekë me afat 30 vjet. Ka mbetur papaguar 5 360 255 26 lekë.

Kredi Individuale, marrë në 2009 për dhjetë vite në shumën 1 790 407.60 lekë, ka mbetiar pa paguar 458,950.15 lekë.

Bashskëshortja ka blerë autoveturë në shumën 4 700 euro.

Viti 2017 (Deklarata vjetore)

Ka zgjidhur kontratën e porosisë për shtëpinë e banimit në Tiranë me vlerë 100 000 euro.

Gjendje likuiditeti në shumat, 50 470 06 euro, 121 696 lekë dhe 54.81 dollarë.

Të ardhura nga paga në detyrën e zv.ministrit të drejtësisë, në shumën 340 131 98 lekë.

Të ardhura nga pjesëmarrja në Bordin e Shkollës së Magjistraturës, në shumën 8 500 000 lekë.

Të ardhura të prapambetura nga paga në Ëorld Vision në shumën 741 758 06 lekë.

Bashkëshortja ka shitur një makinë dhe ka blerë një tjetër në shumën 4 800 000 euro.

Viti 2018

Gjendje likuiditeti, në shumat 3 479 16 euro,18 753 34 lekë dhe  54 81 dollarë.

Shtuar gjendja cash me 25 000 euro.

Të ardhura nga paga në detyrën e zv.ministrit të drejtësisë, në shumën 1 573 764 lekë.

Të ardhura nga pjesëmarrja në mbledhjet e KKT, në shumën 61 600 lekë.

Të ardhura nga pjesëmarrja në Bordin e Shkollës së Magjistraturës, në shumën 42 500 lekë.

Bashkëshortja gjendje likuiditeti në shumën 7 638 lekë.

 

 





Lajmet e fundit nga