web counter
LEXO PA REKLAMA!

SHKARKO APP

App Store
Google Play

Plagosën 24-vjeçarin/ Arrestohen dy vëllezërit

30 Korrik 2019, 13:21, Kronika CNA

Dy vëllezër kanë rënë në prangat e policisë së Dibrës, pasi akuzohen për plagosjen me armë zjarri të një 24 vjeçari.

Mësohet se në pranga kanë rënë shtetasit K. K, 36 vjeç dhe A. K, 28 vjeç, banues në fshatin Tartaj, njësia administrative Zall Dardhë, Dibër (vëllezër).

Arrestimi i tyre u bë pasi më datë 06.04.2018, në bashkëpunim me njëri – tjetrin dhe me vëllanë tjetër, shtetasin Rr. K, (i arrestuar ditën e ngjarjes nga policia), në fshatin Nezhaj,  Dibër, kanë plagosur me armë zjarri në oborrin e banesës së tij shtetasin E. Ç, 24 vjeç, për motive hakmarrjeje.

Njoftimi i policisë:

Finalizohet me sukses operacioni policor  i koduar “Tartaj”

Kapen dhe arrestohen 2 persona (vëllezër), me rrezikshmëri të lartë shoqërore në fushën e krimit ndaj personit dhe pronës.

Operacioni i zhvilluar nga Sektori për Hetimin e Krimeve në DVP Dibër, në bashkëpunim me Komisariatin e Policisë Dibër.

Në vijim të punës për zbardhjen e ngjarjeve kriminale të ndodhura më parë, identifikimin dhe kapjen e autorëve të tyre, Strukturat e Hetimit të Krimit në Drejtorinë Vendore të Policisë Dibër, në bashkëpunim me Komisariatin e Policisë Dibër, si rezultat i një pune të mirëorganizuar dhe informacioneve të grumbulluara në rrugë operative, në orët e para të mëngjesit të datës 30.07.2019, finalizuan me sukses  operacionin policor të koduar ?Tartaj”

Si rezultat u kapën dhe u arrestuan shtetasit:

K. K, 36 vjeç,

A. K, 28 vjeç, banues në fshatin Tartaj, njësia administrative Zall Dardhë, Dibër (vëllezër)

Këta shtetas u kapën në orët e para të mëngjesit në një banesë në fshatin Tartaj, duke festuar daljen e një shoku të tyre nga burgu.

Arrestimi i tyre u bë pasi më datë 06.04.2018, në bashkëpunim me njëri – tjetrin dhe me vëllanë tjetër, shtetasin Rr. K, (i arrestuar ditën e ngjarjes nga policia), në fshatin Nezhaj,  Dibër, kanë plagosur me armë zjarri në oborrin e banesës së tij shtetasin E. Ç, 24 vjeç, për motive hakmarrjeje.

Kjo ngjarje është nën hetim nga Prokuroria për veprat penale ?Vrasja me paramendim mbetur në tentative?, kryer në bashkëpunim dhe ?Mbajtja pa leje e armëve luftarake?.





Lajmet e fundit nga