web counter
LEXO PA REKLAMA!

SHKARKO APP

App Store
Google Play

Kuksianët nuk do i falin shkatërrimin e PD/ Ibsen Elezi "shuplakë" Bashës

30 Korrik 2019, 18:33, Politikë CNA

Ish kreu i PD-së së Kukësit, Ibsen Elezi ka ashpërsuar tonet ndaj Lulzim Bashës.

Sipas tij, qëllimi final i Bashës është shkatërrimi përfundimtar i PD dhe se me 30 qershor e vulosi këtë çmenduri.

“Basha po bën “shoë” për të justifikuar vendimet e tij të gabuara, që nga djegia e mandateve pa një strategji të mëparshme se si do rrëzohej qeveria e deri te bojkoti i zgjedhjeve lokale”, ka thënë ai në Report Tv.

Ai ka shkuar edhe më tej, ndërsa ka deklaruar se është absurde të dëgjosh Bashën duke i kërkuar Ramës zgjedhje të lira dhe të ndershme, kur nuk organizon dot zgjedhje të lira brenda partisë.

“30 qershori katastrofë për PD. E dija që në fillim, mungesa e forcës për të transformuar PD brenda, mbështetur nga doktori, e dija që do lëvizte në mënyrë kaotike. Ajo që u ndërtua në Kuvendin e fundit të PD-së u ndërtua një parti pa rregulla dhe norma, duke vazhduar gafat e mëparshme. Basha i bën me qëllim këto gabime.  Basha ka qëllim që të fundosë PD. Kur dorëzon mandatet, ke dy javë për të rrëzuar qeverinë, kur nuk e bën dot ik në shtëpi”, është shprehur Elezi.

Sipas të njëjtit edhe 10 protestat ishin një gafë e madhe.

“Kuksianët nuk do ia falin, jo vetëm Bashës, por kujtdo që i ka futur hundët në shkatërrimin e PD-së, është një kastë. Kjo gjë ka ndodh në PD do ketë një analizë, del tani Basha, lufton Ramën për gjërat që i  vuan vetë. Flet për zgjedhje të lira, kur nuk i organizon dot vetë në partinë e tij. Praktika që Basha po bën në PD, është shumë e vështirë që të jesh i besueshëm për të sulmuar Ramën.  Nuk ka një strategji Basha”, është shprehur më tej ai./CNA.al

 

 





Lajmet e fundit nga