web counter
LEXO PA REKLAMA!

SHKARKO APP

App Store
Google Play

Përlotet Budina/ Mos u shisni për një copë bukë

24 Korrik 2019, 09:27, Politikë CNA

Regjisori Edmond Budina, është parë i përlotur sot në protestën, në mbrojtje të Teatrit Kombëtar.

Ndërsa ka drejtuar një apel ndaj kolegëve, mes lotësh Budina është shprehur i vendosur të vazhdojë betejën për mbrojtjen e godinës së Teatrit Kombëtar.

?Është një nga ditët më të dhimbshme të jetës sime, i bëj thirrje dhe kryeministrit, që më ke zënë prej krahu dhe më ke tërhequr zvarrë, u bëj thirrje të gjithëve që të mos tentojnë më që të prishin këtë pasuri kombëtare. Unë them që ky është fundi i demokracisë shqiptare, ky është një regjim fashist, prandaj ky popull duhet të ngrihet i gjithi në këmbë.

Teatri do të jetë varreza e fundit e këtij regjimi, unë falenderoj popullin e Tiranës që na ka mbështetur, dhe është pranë nesh. Të dashur miq mos u shisni për një copë bukë, hajdeni që të jemi bashkë, të ngrihemi të gjithë bashkë për të mbrojtur demokracinë dhe lirinë.

Unë nuk marrë përsipër për të thënë se si do të vijojë aksioni, unë nuk bëj deklarata se do të japim jetët tona, pasi këto patetizma nuk na shkojnë, ama rezistenca jonë nuk do të ndalet, kaq. Ne kërkojmë që të ketë një Teatër të ri, dhe rikonstruktimin e kësaj godine?, u shpreh regjisori Budina.





Lajmet e fundit nga