web counter
LEXO PA REKLAMA!

SHKARKO APP

App Store
Google Play

Foto-“I more shpirtin popullit, o xhaxhi Enver”/ Qytetarët i “nxjerrin bojën” Ramës

19 Korrik 2019, 07:09, Aktualitet CNA

Kryeministri Edi Rama, në vijim të ritualit të tij të përditshëm, mëngjesin e sotëm ka përshëndetur ndjekësit e tij në rrjetet sociale, duke publikuar rezultatet e aksionit anti-informalitet që ka nisur në të gjithë vendit, për të ndëshkuar bizneset që nuk respektojnë ligjin.

Si pasojë, disa bizneseve u është vënë dryni dhe janë bllokuar nga hetimi tatimor.

Siç duket në foto, bëhet fjalë për një një restorant, për të cilin Rama shkruan se po vuan pasojat e mos lëshimit të kuponit tatimor, ndërsa thekson se do të ketë zero tolerancë për këdo që cënon shtetin dhe përkrah informalitetin.

Por, pas këtij postimi të kryeministrit, qytetarët kanë shpërthyer në komente dhe kritika të forta ndaj Ramës.

?E mira do ishte me hap vende pune jo te mbyllen, se vec pronarit ngelin ne rruge dhe njerzit qe punojne aty. Nuk eshte ndonje arritje e madhe mbyllja e subjekteve se po hane njerezit njeri tjetrin nga papunesia jane shnderruar shqiptaret jane tjetersuar si njerez?-shkruan një qytetar.

Më tej, një tjetër shkruan ?Mirë bëni që luftoni informalitetin, por si thotë populli “gjeni një kalë të ngordhur dhe i hiqni patkonjtë” merruni dhe me të mëdhenj që në mes të sheshit shesin me çmime të kripur birra dhe qofte dhe nuk lëshojnë një kupon tatimor. (Apo Elbar është i yni)?.

Gjithashtu një tjetër qytetar shkruan se Rama merret me fukarenjtë, ndërsa ata që kanë super hotele nuk merret njeri me ta.

?Merru me fukarejt merru se aty kanë super hotele të bëra me ndimen tënde, pa e lodh hiç kurrizin, s?ju mer asnjë lek. Dhe ju bie në qafë këtyre qe shesin dy makiato edhe ju do dhe 20%. Do ju vijë dita të gjithëve?-shkruan qytetari.

Ndërsa një tjetër qytetar e krahason Ramën me ish-diktatorin Enver Hoxha, ndërsa shkruan ? I more shpirtin popullit, o xhaxhi enver , ta fikt zoti rracen?./ CNA.al





Lajmet e fundit nga