web counter
LEXO PA REKLAMA!

SHKARKO APP

App Store
Google Play

Vendimi i Gjykatës së Durrësit për 30 qershorin/ Kryemadhi sulmon KQZ-në

17 Korrik 2019, 18:19, Aktualitet CNA

Kryetarja e LSI-së, Monika Kryemadhi, nëpërmjet një postimi në rrjetet sociale ka reaguar lidhur me vendimin e Gjykatës së Durrësit, që ka rrëzuar ditën e sotme njohjen e mandatit të kryebashkiakut fitues në zgjedhjet e 30 qershorit kandidates së rilindjes,Valbona Sako. Këtë rast Kryemadhi e ka përmendur si argument për të sulmuar KQZ, duke e akuzuar se ka shkelur hapur Kodin Zgjedhor dhe ligjin për partitë politike.

?Thjesht e saktë pa tambure politike. Vendimi i Gjykatës së Durrësit vetëm teknikisht tregoi se që në krye të herës, që në hapin e saj të parë procedural e administrativ, atë të regjistrimit të subjekteve zgjedhore KQZ ka shkelur hapur Kodin Zgjedhor dhe ligjin për partitë politike, dhe gjithë veprimtaria e vendimmarrja e saj rezulton në shkelje të hapur të Kodit të Procedurave Administrative. Që pas këtij momenti çdo vendim i KQZ është nul. Pavlefshmëria absolute e aktit administrativ sjell pavlefshmëri absolute të të gjithë procesit në vijim. Gjithçka konsiderohet nul. A mund të diskutohet tani mbi diçka që nuk ka sjellë asnjë pasojë juridike?? Nul i gjithë procesi. Zgjedhje nuk ka patur. E vetmja pyetje tani që mbetet të bëhet është: Kush do të mbajë përgjegjësi tani për të gjithë dëmin ekonomik, juridik, moral, të krijuar nga veprimtaria e paligjshme e KQZ?

I bëj thirrje Prokurores së Përkohshme të fillojë menjëherë çështjen penale për ?Shpërdorim detyre? në ngarkim të anëtarëve të KQZ,? shkruan Monika Kryemadhi./CNA.al





Lajmet e fundit nga