“Ky është një kaos”/ Ish-ministri i Ramës tregon çfarë do ndodh pas zgjedhjeve

1 Korrik 2019, 07:50, Aktualitet CNA

Ish-ministri i Drejtësisë në qeverinë ?Rama 1?, Ylli Manjani, një ditë pas zgjedhjeve ka reaguar në rrjetet sociale.

Manjani shkruan se sot Republika e Shqipërisë nuk është ajo që parashikon Kushtetuta pasi kjo e fundit nuk ekziston më.

Ish-ministri i Drejtësisë shkruan se tashmë jemi në një system dictatorial pasi Prokuroria është ?nën hyqëm? të Qeverisë.

Manjani ngre pikpyetje se çfarë do të ndodh pas zgjedhjeve duke shkruar se “85% e shqiptarëve nuk e pranojnë këtë realitet. Kjo është një arsye e madhe për të shpresuar”.

Postimi i plotë i Ylli Manjanit

1 Korrik 2019.
=========
Nga sot Republika e Shqipërisë nuk është më ajo që parashikon Kushtetuta e shkruar.

U bënë në fakt dy vite, ndoshta dhe më shumë, që nga pak e çdo ditë kjo Kushtetutë po dërrmohej, por sot nuk ekziston më.

I gjithë organizimi shtetor i Republikës nuk ka më asnjë lidhje me çfarë shkruhet aty.

Parlamenti e qeveria janë më përbërje e funskion 100% monopartiak.

Ministria e Brendshme ka marrë nën hyqëm Prokurorinë dhe funksionojnë si organe represive të diktaturës së proletariatit.

Administrata publike e madje edhe ushtria janë direkt nën urdhëra dhe me sjellje politike të partisë shtet.

Pushteti lokal nuk është më as në organizim e as në funksion autonom. Kryetarët e Bashkive janë praktikisht kryetarë të komiteteve elzekutive të PPSH. Ndërsa Këshillat vendorë janë si këshillat popullore të partisë shtet.

Presidenti i Republikës praktikisht është reduktuar tek kompetencat e Haxhi Lleshit.

E gjithë hierakia e normave është përmbysur. Kaosi legjislativ është ndërtuar me qëllim që ti lërë vend rendit politik të vendosë si të dojë.

Kjo është arsyeja përse nuk ka përgjigje të qarta e shterruese ligjore që të sqarojë situatën ku gjendemi.

Pra kemi një Kushtetutë të rendit demokratik në fuqi që duhet të justifikojë rendin politik komunist që është instaluar de fakto.

Detyrë e vështirë kjo për çdo shtetar, analist apo edhe qytetar të thjeshtë.

Në këtë situatë të shtetit politik paralel, sigurisht që liritë dhe të drejtat themelore nuk janë të garantuara. Prandaj policia e prokuroria luajnë të fortin me arrestime haptazi politike pa ligj e pa proces të rregullt.

Prandaj prona, puna, jeta, shëndeti, lëvizja e lirë, informimi, shprehja e mendimit, vota e lirë e çdo e drejtë tjetër nuk janë më të garantuara, sepse qeveria i dhunon pa i hyrë asnjë gjëmb në këmbë.

Ky është fundi i shtetit ligjor dhe nuk ka asnjë shans të legalizohet dot. Ky lloj shteti është i pa legalizueshëm nga kjo Kushtetutë. Nga ana tjetër kjo Kushtetutë dhe i gjithë korpusi legjislativ në fuqi është i pazbatueshëm nga ky shtet politik monist që kemi.

Sundimi politik i pakicës absolute ja ka arritur të sundojnë mbi ligjin e shtetin ligjor.

A do të vazhdojë dot për kohë të gjatë kështu?!

Të shohim!

Vërtetë perëndimi do të bëjë kompromis me sundimin politik në vend të atij ligjor?!

Cila Gjykatë Kushtetuese do ti bënte dot ballë këtij organizimi e funksionimi shtetëror komunist të instaluar tashmë?!

Duhet të shpresojmë.

85% e shqiptarëve nuk e pranojnë këtë realitet. Kjo është një arsye e madhe për të shpresuar./CNA.al