Ëndrrat me Strasburg të Darjel Sinës/ Nga dhurata 25 000 euro tek debati me Bashkim Dedjan

3 Qershor 2019, 13:36, Aktualitet CNA

21 gjyqtarë dhe prokurorë janë ankimuar nga Komisioneri Publik, pasi kanë kaluar Vettingun në shkallën e parë.

Dy janë Komisionerët Publik, që shikojnë dhe analizojnë me detaje vendimet e Komisionit të Pavarur të Kualifikimit, Florjan Ballhysa dhe Darjel Sina.

Kryesisht ankimimet kanë qenë në lidhje me kriterin e pasurisë dhe ka pasur raste, kur në bazë të gjeturave të IKP, Kolegji i Posaçëm i Apelimit ka vendosur për shkarkimin e gjyqtarëve dhe prokurorëve të caktuar.

Po, sa të pasur janë Komisionerët Publik, që kalojnë në filtër gjyqtarët dhe prokurorët.

CNA.al ka hulumtuar në të dhënat e pasuri tek Inspektoriati i Deklarimit të pasurive për të dy Komisionerët Publik.

Këtë radhë në objektiv do të jetë Komisioneri Darjen Sina.

Kujtojmë se në një nga seancat në KPA, Sina është përplasur me Maks Haxhian, avokatin e gjyqtarit Bashkim Dedja. Ky i fundit kaloi Vettingun në shkallën e parë, por komisioneri Darjel Sina e ankimoi, pasi gjeti shkelje.

Gjatë parashtrimit të mbrojtjes përpara Kolegjit, Dedja dhe avokati i tij Maksim Haxhia kundërshtuan ankimin dhe akuzuan Komisionerin Publik, Darjel Sina se ishte në konflikt interesi, kishte përdorur standarde të dyfishte dhe ishte treguar dashakeq.

?Zotëria është skualifikuar nga gara si kandidat për Gjykatën e Strasburgut në vitin 2016 dhe unë kam votuar kundër tij,? tha Dedja, pasi shpjegoi se kishte qenë pjesë e komisionit përzgjedhës të kandidaturave.

Por, Sina e kundërshtoi akuzën e gjyqtarit duke thënë se aktiviteti i tij profesional ishte përqendruar jashtë vendit, ndërsa nënvizoi se procesi i përzgjedhjes së gjyqtarëve për në Gjykatën e Strasbugut në vitin 2016 është anuluar.

Sa i përket pasurisë, fillimisht Sina rezulton se është pronari i një makine Toyta Rav që kushton 4, 4 000 euro dhe dy brime të ardhurash nga mësimdhënia në Universitet.

Edhe bashkëshortja deklaron një makinë, Nissan i vitit 2001 në shumën 2 200 euro.

Edhe Komisioneri Sina merr dhurata si gjyqtarët dhe prokurorët. Edhe ai ka vjehërrin dhe vjehrrën që bën dhurata mijëra euro.

Në vitin 2018 ai ka deklaruar një apartament të përfunduar bashkë me parkimin nënntokësor porositur me kontratë premtim shitje, për të cilin ka paguar vetëm këstin e parë me lekë të dhuruara nga prindërit e bashkëshortes dhe kursimet. Bëhet fjalë për 25 000 euro.

Sipërfaqja e përgjithshme e apartamentit eshte 96.96 m2 dhe ka kushtuar 75 000 euro.

Më poshtë po sjellë pasurinë e deklaruar nga Komisioneri Publik Darjel Sina.

Viti 2018

Makinë Toyta Rav 4, 4 000 euro.

Llogari bankare, 9.56 euro.

Pagë fikse nga Universiteti i Nju Jorkut në Tiranë, 2,362 euro.

Pagesa part-time si profesor, në Universitetin CIT, , 26 euro, ora.

Bashkëshortja

Makinë, Nissan i vitit 2001, 2 200 euro.

Makinë Toyta Rav 4, 4 000 euro.

Llogari bankare nga rroga nga Universiteti i Nju Jorkut në Tiranë, 138.56 euro.

Llogari bankare nga rroga nga Universiteti i Nju Jorkut në Tiranë, 201 864 lekë.

Viti 2018 (Deklarata vjetore)

Apartament i përfunduar bashkë me parkim nënntokësor porositur me kontratë premtim shitje (i pa kaluar ende në pronësinë e deklaruesit), paguar vetëm kësti i parë me lekë të dhuruara nga prindërit e bashkëshortes së deklaruesit plus kursime.

Sipërfaqja e përgjithshme e apartamentit eshte 96.96 m2 dhe ka kushtuar 75 000 euro ndërsa sipërfaqja e parkimit që ka kushtuar 25 000 euro është 25 m2.

Llogari page nga Universiteti i Nju Yorkut ne Tiranë, me kohë të plotë prej 01.01.2018-29.03.2018 dhe me kohë të pjesshme prej 30.03.2018-31.07.2018, më shumën 1181.9 euro.

Llogari page nga Institucioni i Komisionerit Publik i Vetingut, me kohë të plotë prej 30.03.2018 e në vazhdim, në shumën 924 38 lekë.

Llogari page nga Instituti Kanadez i Teknologjise CIT, me kohë të pjesshme prej 16.04.2018-14.11.2018, në shumën 1.81 euro.

Paga e deklaruesit si pedagog nga Universiteti i Neë Yorkut në Tirane UNYT, me kohë te ploë prej 01.01.2018-29.03.2018, me kohë të pjesshme prej 30.03.2018-31.07.2018, në shumën 6 368 euro.

Paga e deklaruesit si Komisoner Publik nga Institucioni i Vetingut, me kohë të plotë prej 30.03.2018 e në vazhdim, në shumën 2457925 lekë.

Paga e deklaruesit si pedagog nga Instituti Kanadez i Teknologjisë CIT, me kohë të pjesshme prej 16.04.2018-14.11.2018, në shumën 2 965 euro.

Pagesa e bashkëshortes nga sigurimet shoqërore për shpërblim barrë-lindje, në shumën 628 421 lekë./CNA.al