web counter
LEXO PA REKLAMA!

SHKARKO APP

App Store
Google Play

“Tarzanët” e Lulit kërcasin dhëmbët para drejtësisë 

29 Maj 2019, 13:00, Aktualitet CNA

Pas protestës së 16 shkurtit, kryetari i Partisë Demokratike, Lulzim Basha vendosi djegien e mandateve të deputetëve, në shenjë protestë kundër mazhorancës socialiste dhe kryeministrit Rama, të cilin e akuzon se ka ardhur në pushtet me votat e blera me paratë e krimit.

Pasi vendosi djegien e mandateve, Lulzim Basha ka zhvilluar edhe gjashtë protesta kombëtare, ndërsa disa herë ka deklaruar se diegia e mandateve është një kërkesë e ardhur nga elektorati dhe se tashmë janë rreshtuar krahas qytetarëve. Basha ka deklaruar se tashmë ai dhe ish-deputetët e PD-së janë qytetarë të thjeshtë.

Ndërkohë, një ditë më parë, u njoftua se gjashtë ish-deputetë të Partisë Demokratike, konkretisht Flamur Noka, Enkelejd Alibeaj, Gent Strazimiri, Klevis Balliu, Xhemal Gjunkshi dhe Anton Frrokaj, janë proceduar penalisht për dhunën në protestën e 16 shkurtit në Tiranë.

Prokuroria dyshon se pas protestës, në orën 21:40, ish deputetet e opozitës kanë hyrë me forcë duke kaluar cekinin e parë të Drejtorisë së Policisë Tiranë, dhe më pas kanë përdorur force.

Por, gjashtë ish-deputetët të cilët janë nën hetim për shkak të përplasjeve fizike me policët brenda Drejtorisë së Policisë Tiranës, natën e 16 shkurtit, kanë dalë sot në një konferencë për mediat, ku kanë reaguar ashpër në lidhje me procedimin penal.

Në konferencën për mediat sot pretenduan se janë të paprekshëm në bazë të Kushtetutës, për shkak të imunitetit të deputetit.

Por, nëse janë kaq trima, pse këta nuk duhet të ndiqen penalisht sepse kanë imunitet, ndërsa militantët të rrinë burgjeve.

Ish-deputetët e Lulit nuk mund të sillen si Tarzanë përpara ligjit, por të gjithë duhet të jenë të barabartë para tij dhe nuk mund të dalin në media i të ?kërcasin dhëmbët? përpara drejtësisë./ CNA.al





Lajmet e fundit nga