web counter
LEXO PA REKLAMA!

SHKARKO APP

App Store
Google Play

Ylli Manjani sulmon Bashën/ Thirrje Ramës, të shkojë në zgjedhje, pa u dorëhequr

24 Maj 2019, 07:54, Aktualitet CNA

Ish Ministri i Drejtësisë në Qeverinë “Rama 1”, nuk është ndalur vetëm në sulmin ndaj kryeministrit Edi Rama, por ka sulmuar edhe kreun e PD-së Lulzim Bashën.

Fillimisht Manjani ka komentuar letrën e Ramës, për të shigjetuar më pas marrëveshjen Rama-Basha të Majit 2017.

“Asnjë shanc të ndryshoni qeverinë pa zgjedhje” – kumton Kryeministri në letrën e tretë të mllefit kundër opozitës. Unë jam plotësisht dakort me këtë sentencë, pavarësisht dëshirës së mllefosur për të shkrirë opozitën.

Në thelb ashtu është, qeveria ndryshon vetëm me zgjedhje.

Prandaj, shpalli ato zgjedhje! Jepi vendit zgjidhje politike dhe parlament pluralist!

Shko në zgjedhje politike si çdo politikan normal. Në mos si Kurz, të paktën si Vuçiç apo si Gruevsk”, ka shkruar Manjani në rrjetet sociale.

Sipas tij Rama është kryeministër sot, si rezultat i marrëveshjes më Bashën, në vitin 2017.

“Sot për sot je Kryeministër jo nga shumica e votave popullore, por nga marrëveshja anti-Kushtetuese me Bashën.

Ajo marrëveshje ra, ndaj duhet të vendosë populli për përfaqësimin e vet politik jo Ti, as Basha e as të dy bashkë ju! As të gjithë bashkë ju, pleq e të rinj politikanë”, shkruan më tej Manjani.

Më tej ai i ka bërë thirrje Ramës që ta çojë vendin në zgjedhje të parakohshme parlamentare, por pa u dorëhequr.

“Por, vetëm ii ke në dorë zgjidhjen e problemit. Lexoje dhe përdore nenin104 të Kushtetutës. Ai nen është shkruar për këtë ditë.

Shko në zgjedhje, i padorëhequr ashtu siç je!

Shko në zgjedhje dhe o konfirmo veten në krye të qeverisë, ose lëre me kaq kët aventurë. Lëri bashkitë, se siç i merr në dorëzim nga Çeçua do ja japësh prap Çeços si Çeçua! Mendoje më mirë! Çeço rrypin e pykën ka, s’ka ç’të humbë më. Ai që humb je vetëm ti… “, përfundon Manjani./CNA.al

 





Lajmet e fundit nga