web counter
LEXO PA REKLAMA!

SHKARKO APP

App Store
Google Play

Rama gati të bëjë kompromis/ Kryemadhi: “Shikojeni se si qurravitet për karriken”

23 Maj 2019, 17:45, Aktualitet CNA

Kryetarja e LSI-së, Monika Kryemadhi, ka mbajtur një takim me strukturat e LSI-së në Njësinë nr. 8 në Tiranë.

Gjatë fjalës së saj Kryemadhi komentoi edhe dy letrat publike që Rama i dërgon Bashës si ftesë për dialog, ku deklaroi se opozita nuk bën kompromis për karriken e Edi Ramës.

Ndërkohë ajo foli dhe për gjyqin e humbur të qeverisë shqiptare me bisnesmenin italian Francesco Beçhetti.

?Kush do i paguaj 140 milion euro. Me kaq para do ishin bërë dy spitale sa QSUT. Do ishin paguar të gjitha mjekimet falas për pensionistët shqiptarë. Do ishin paguar kimioterapitë e shqiptarëve. Këto janë para gjaku që ky po ua merr shqipatrëve të cilët i fut në burg për një kupon tatimor Janë para që u merren shqiptarëve nga Edi Rama për të paguar hajdutët e tij. Kaq dëm i ka bërë këtij populli sa shqipatrët, të rinjtë, po kërkojnë të largohen nga Shqipëria.

Dëgjojmë se si qurravitet dhe shkruan letra për opozitën. Kjo do të thotë që ka frikë, që është gati të bëjë kompromis për karrigen e tij. Por do ta marrë përgjigjen.

Nuk ka negociata me Ramën për karrigen e tij. Ka dialog me shqiptarët për të larguar njëherë e mirë duart nga vjedhja e zgjedhjeve, nga krimi,? – shtoi më tej Kryemadhi. /CNA.al





Lajmet e fundit nga