E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Lutje Ilir Metës/ Kthe Lulin dhe Monikën në Kuvend si Bujar Leskaj në KLSH

22 Maj 2019, 12:44, Aktualitet CNA

Bujar Leskaj që prej ditës së djeshme, duke konsumuar një tallje të madhe me Kuvendin, Kryeministrin, Opozitën dhe gjithë zyrtarët e institucioneve Kushtetuese, emërimi i të cilëve kalon nga procedura parlamentare, ka shpërndarë një letër të cilën e ka titulluar vendim, me të cilin deklamon vendimin e vet për t’u rikthyer në karrigen e kryetarit të KLSH.

CNA.al ishte e para që denoncoi absurditetin e një sjellje të tillë, që sfidon një shtet të tërë dhe raportoi një precedent banditesk në sjelljen e individit me institucionet shtetërore.

Një akt si ky, është i krahasueshëm me lëshimin e mandateve nga Opozita parlamentare, dhe njësoj i dëmshëm për standartin që vendos.

Njësoj si Bujar Leskaj edhe Opozita e djeshme parlamentare, lëshoi karriget në Kuvend dhe vuri në lojë sistemin demokratik, duke flakur bashkë me mandatet gjithë përgjegjësitë që ato mandate mbartnin.

Njësoj si Bujar Leskaj, Opozita e djeshme parlamentare, pak ditë pas largimit, filloi të fliste për mosrespektim të procedurave parlamentare nga maxhoranca, duke fshehur faktin që ish bërë pishman për vendimin e marre.

Bujar Leskaj u bë pishman për vendimin e marrë dhe vendosi të shfuqizojë vendimin e vet me një vendim tjetër të vetin, duke furnizuar me humor shumë faqe on-line.

Bujari sot në çdo tavolinë po e justifikon vendimin e vet me një lutje që i paska bërë Ilir Meta dhe të cilës ai nuk i paska rezistuar dot.

Zoti President!

Në emër të CNA.al ju bëjmë thirrje që ta provoni t’i luteni edhe opozitës së djeshme që të shfuqizojë vendimin e parë dhe të kthehet në Kuvend.

Precedenti tani është gati. Dhe mazhoranca që po pranon paturpësisht pa reaguar sjelljen “Leskaj”, me siguri do pranojë pa kushte edhe vendimin e ri të Lulit dhe Monës…

Nëse nuk i le sedra ta bëjnë këtë, atëherë Rama mund t’ja delegojë për nja 5 muaj kompetencat e Kryeministrit Lulit. Të shkojë të bëjë ca lekë projektesh diku në Ballkan dhe pastaj të kthehet. Pas 5 muajsh Luli besoj do bindet si Lindita Lati të bëhet i sëmure dhe t’ja ridelegojë kompetencat Ramës.

Gjithmonë nëse ndërkohe Luli nuk ka vendosur t’i delegojë diku tjetër…/CNA.al