web counter
LEXO PA REKLAMA!

SHKARKO APP

App Store
Google Play

E fundit!

x

Kërkoheshin ndërkombëtarisht/ Arrestohen në Durrës dy të rinj

21 Maj 2019, 14:24, Aktualitet CNA

Policia e Durrësit ka vënë në pranga dy persona të shpallur në kërkim ndërkombëtar.

Në pranga kanë rënë shtetasit me inicialet A. M., 25 vjeç, dhe B. M., 23 vjeç, të dy banues në fshatin Manzë.

Të dy këta persona ishin shpallur në kërkim ndërkombëtar nga drejtësia italiane për veprën penale,  “Vjedhje me armë”.

Njoftimi i plotë

Durrës

Finalizohet me sukses operacioni policor i koduar “Hijet e natës”.

Kapen dy persona të shpallur në kërkim ndërkombëtar, të kërkuar nga drejtësia italiane për “Vjedhje me armë”.

Strukturat e Drejtorisë Vendore të Policisë Durrës, në bashkëpunim me Drejtorinë Qendrore Hetimore në Departamentin e Policisë Kriminale dhe Interpol Tirana, pas një pune të mirëorganizuar, bënë kapjen dhe arrestimin e përkohshëm me qëllim ekstradimin drejt Italisë të shtetasit

-A. M., 25 vjeç, banues në fshatin Manzë, Durrës.

Ky shtetas ishte i shpallur në kërkim ndërkombëtar nga ZQK Interpol Tirana, pasi Gjykata e Firences në Itali ka lëshuar urdhër arresti ndaj tij në korrik 2018, për kryerjen e veprave penale “Vjedhja me armë”, “Vjedhja” dhe “Pastrimi i produkteve të veprës penale”, parashikuar nga Kodi Penal Italian.

Gjithashtu në kuadër të këtij operacioni u arrestua dhe shtetasi:

-B. M., 23 vjeç, banues në fshatin Manzë, Durrës.

Ky shtetas ishte shpallur në kërkim ndërkombëtar nga ZQK Interpol Tirana, pasi Gjykata e Firences në Itali ka lëshuar urdhër arresti ndaj tij në korrik 2018 , për kryerjen e veprës penale ” Vjedhja me armë”, parashikuar në Kodin Penal Italian.

Materialet hetimore u referuan në Prokurorinë pranë Gjykatës së Shkallës së Parë Durrës për veprime të mëtejshme./CNA.al

 





Lajmet e fundit nga