E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Zgjedhjet lokale/ Tërhiqet nga gara kandidati opozitar për bashkinë e Lushnjes

13 Maj 2019, 20:23, Aktualitet CNA

Nënkryetari i Aleancës Kuq e Zi, Adriatik Leka , kandidat për Kryetar Bashkie në Lushnje është tërhequr nga gara në zgjedhjet lokale.

Zoti Leka në një deklaratë është shprehur se nuk mund të bëhet pjesë e një procesi zgjedhor në situatën që ndodhet vendi.

Deklaratë:

Situata në të cilën po shkon vendi dhe dëshira e madhe e dy forcave politike me embrion të përbashkët për ta futur vendin në përplasje fizike me detyron të marr një qëndrim: Kurrë nuk e dëshiroj që në këto momente kaq të vështira për vendin tim të bëhem palë e proces zgjedhorë ku mbanë era vandalizëm ku mban era gjak. Shqipëria ime dhe populli im kurrë nuk e meritojnë një tragjedi të dytë nga kjo klasë politike e mbuluar këmbë e kokë me kriminalitet dhe korrupsion. Për 28 vite kjo klasë politike nuk pati vullnetin e mirë për ta zhvilluar këtë vend të bukur . Për 28 vite kjo klasë politike e vodhi e tjetërsoi pronën e shpopulloi vendin vetëm e vetëm por të përvetësuar pronat e shqiptarëve të ndershëm. Kjo klasë politike është vazhdimësia e grupit kriminal e zbritur nga malet në fund vitin 1944 me ndihmën e shovinizmit serb e cila sekuestroi pronat pasuritë e shqiptarëve demek do të krijonte një reformë agrare por që shumë shpejt i tregoi dhëmbët me kolektivizimi, kolektivizim të cilin e shfrytëzoi mbas 1992 duke i përvetësuar pronat dhe pasuritë e shqiptarëve. Sa më sipër vendos të tërhiqem nga këto zgjedhje të mbuluar me hije dyshimi ku për qëllim kanë çuarjen e vendit në gjakderdhjes.

Aleanca Kuq e Zi u regjistrua në këto zgjedhje me shpresën se do të kishte vullnet që ky sistem do të shkulej. Kurrë nuk mund të jemi mëkatarë në këtë proces të mirë kurdisur për situata të hidhura. Vendi duhet të shkojë me çdo kusht drejt qeverisë, stabilitetit kombëtar.

I bëj thirrje kryeministrit të tregojë një moment të vetëm botën e tij intelektuale dhe njerëzore, të jap dorëheqjen dhe t?i jap shpresë ndryshimit./CNA.al