web counter
LEXO PA REKLAMA!

SHKARKO APP

App Store
Google Play

Mega-operacioni ndërkombëtar antidrogë/ Goditen anëtarët e grupeve kriminale

7 Maj 2019, 08:52, Aktualitet CNA

Drejtori i Përgjithshëm i Policisë së Shtetit, Ardi Veliu, në një deklaratë për mediat ka zbuluar detajet e megaoperacionit ndërkombëtar ?Brezi i gjelbër?.

Mësohet se në kuadër të këtij operacioni janë goditur anëtarë të grupeve kriminale, si dhe janë sekuestruar sasi të konsiderueshme lëndë narkotike.

Ky operacion anti-drogë është kryer nga policia shqiptare në bashkëpunim me policinë greke, ndërsa në total janë arrestuar 22 persona, me akuzën për ‘trafik ndërkombëtar droge’.

Mes të arrestuarve janë Florenc Llanaj, nëndrejtor i spitalit të Sarandës, si dhe Adrian Xhibro, mbrojtësi i cili aktivizohet me ekipin e Delvinës, në grupin B të Kategorisë së Dytë. Mbrojtësi Xhibro, ka qenë më parë edhe pjesë e skuadrave si Butrinti, Albpetroli, dhe së fundmi tek Delvina.

Pesë prej të ndaluarve janë edhe Edvin Xhibro, Mikel Jorgji dhe Armando Zholi. Ndërkohë, dy femra po hetohen në gjendje të lirë.

?Në datë 6 maj 2019, në funksion të hetimit të procedimit penal Nr.173, të vitit 2018, Policia e Shtetit, nën drejtimin e Prokurorisë për Krimet e Rënda Tiranë, dhe në bashkëpunim me Agjenci të tjera ligj zbatuese në vend, në bashkëpunim të ngushtë mes Njësisë për Hetimin e Narkotikëve dhe Trafiqeve, në DHQ dhe Autoriteteve Policore Greke, Sektorin Antidrogë, Athinë, si dhe falë koordinimit nga Qendra për Zbatimin e Ligjit në Evropën Juglindore SELEC, Rumani, pas një hetimi pro-aktiv përgjatë një harku kohor 10 mujor, duke aplikuar metodat speciale të hetimit, si: kryerje përgjimesh telefonike, filmime, përgjime ambientale, vëzhgime, shkresa dhe këmbim informacioni e korrespodence me agjenci ligj zbatuese brenda e jashtë vendit, u finalizua operacioni i koduar ?Brezi i gjelbër?.-thuhet ndër të tjera në njoftim.

Operacioni anti-drogë në Sarandë/ 22 persona të arrestuar





Lajmet e fundit nga