Foto-Fytyra mashtruese e Erion Veliajt/ Ku shkuan miliona dollarë investime?

5 Maj 2019, 12:18, Aktualitet CNA

Erion Veliaj e mori drejtimin e Bashkisë së Tiranës, më 30 korrik të vitit 2015. Që në fushatën e zgjedhore e për të vijuar më tej, pasi mori detyrën ai u zotua për t?i ndryshuar imazhin kryeqytetit.

Premtimet e tij ishin se do t’i jepte Tiranës një frymë të re, më moderne, për ta kthyer në një qytet të jetueshëm për njerëzit.

Kur kanë kaluar më shumë se tre vite, që ai është ulur në karrigen e kryebashkiakut të Tiranës, rezulton se nuk ka realizuar pretimet e dhëna prej tij.

Nuk ka realizuar premtimet në infrastrukturë, për shtimin e hapësirave të gjelbërta, për transportin urban e shumë e shumë projekte të tjera.

Në këto rretha Tirana, qytet i jetueshëm është bërë vetëm për ata banojnë në qendër dhe jo në zonat e tjera.

Në mjaft lagje të kryeqytetit infrastruktura është e rrënuar. Lapraka nuk është shumë larg nga qendra, mirëpo rrugët e brendshme i ka të shkatërruara.

Njëra rrugë që vetëm e tillë nuk mund të quhet është rruga “Vangjel Noti” në Laprakë.

Se ku shkojnë miliona e investimeve, e di vetëm “Lali Eri”, që mbush çdo ditë e natë mediat me propagandë.

Ose ai me investime nënkupton klientelen e tij që mbush me tendera dhe leje ndërtimi.

CNA.al ka raportuar edhe më herët për të njëjtën rrugë, pas denoncimeve të banorëve. Por edhe pas pesë muajsh, asgjë nuk ka ndryshuar.

Gropa të mëdha që në kohë janë të pakalueshme kanë izoluar banorët e zonës.

Më e rëndë situata bëhet për fëmijët të cilëqt duhet të shkojnë në shkollë.

Për me tëpër, në atë gjendje që është rruga provokohen edhe aksidente.

Tashmë që fushata zyrtare zgjedhore po afron, nuk është çudi që banorët të shohin makina të rënda me zhavorr, duke mbuluar gënjeshtrat e Erion Veliajt.

Por, ky i fundit, a do të ketë fytyrë të dalë para banorëve që jetojnë në rrugën “Vangjel Noti” në Laprakë, e t’ju kërkojë votat?

Megjithëse, nga njeri që dyshohet se i ka duart me gjakun e 17 vjeçarit Ardit Gjoklaj, çfarë nuk pritet.

Më poshtë po sjellim fotot që tregojnë dhe vërtetojnë mashtrimet e Veliajt apo gënjeshtrat e “lalit të fiqve”.

Fiqtë nuk bëhen në Laprakë, por votat e “Lali Erit”, sigurohen atje me çdo kusht dhe pse jo nëpërmjet manipulimit./CNA.al