Si e paguan Kryeministri/ Alban Dudushi, avokati i Ramës përballë Tahirit

2 Maj 2019, 08:58, Aktualitet CNA

Edita Tahiri, ish-zëvendëskryeministrja e Kosovës u përplas ashpër pak ditë më parë me gazetarin Alban Dudushi.

Në emisionin Open, Tahiri ka nxjerrë nga binarët Dudushin, ndërsa ka deklaruar se Edi Rama, Hashim Thaçi dhe Aleksandër Vuçiç kanë dështuar në Berlin, për të ndryshuar kufijtë e Kosovës.

Deklarata e saj ka çuar në reagimin e gazetarit Dudushi i cili e ka pyetur se çfarë ka bërë ajo për 7 vjet si kryenegociatore e dialogut Serbi-Kosovë.

?Je bërë nervoz se ka dështuar kryeministri yt?, i është kundërpërgjigjur Tahiri, gazetarit Dudushit.

Ky i fundit ka reguar duke thënë, se i kishte kaluar 6 kryeministra dhe do të kalonte edhe disa të tjerë.

Ish-kryenegociatorja e dialogut Kosovë Serbi, nuk është ndalur këtu, por ka shkuar edhe më tej, duke e bërë kështu një “dush të ftohtë” Dudushit.

?Ore si ka mundësi që e mbroni Ramën kaq vërvbërisht? Unë e di që ai ua mbyll gojën në mënyra të ndryshme, por më mirë heshtni dhe mos mbroni atë dhe idenë që ai mori përsipër ta çojë në politikën e Kosovës. Unë e di që e keni mendjen te shpërblimi që do merrni, por bëni mirë të më dëgjoni edhe mua. Juve u ka mbyllur Rama gojën, kurse mua jo, ndaj unë jam e lirshme të them të vërtetën, ndërsa ju përpiqeni të mbroni kryeministrin tuaj. Unë flas me burime të dorës së parë, pasi kam qenë 7 vite kryenegociatore, ndërsa ju mbroni Ramën me deklarata gazetash?, u shpreh Tahiri.

Por, kush është gazetari Alban Dudushi që nervozohet, kur i kritikojnë Ramën?

Në fakt, Dudushi paguhet nga Rama. Pasi prej më shumë se një viti, me vendimin e Qeverisë, që mban datën 7 Mars 2018, Dudushi është emëruar anëtar i Bordit Mbikqyrës i Agjencisë për Mbrojtjen e Shoqërisë Civile.

Pra, Dudushi, i cili bëri avokatin e Ramës, përballë Edita Tahirit nuk është gjë tjetër, por thjesht dhe vetëm një punëtor i Kryeministrit.

Ai është i emëruar dhe i paguar prej tij, ndaj Dudushi nervozohet kur ia kritikojnë punëdhënësin.

Pavarësisht pagesës apo shpërblimit që merr nga kryeministrit për të bërë avokatin e tij Edita Tahiri, ia nxori të palarat në publik, duke çuar kështu edhe në humbjen e kontrollit të Dudushit.

Si Dudushi ka edhe plot të tjerë që paguhen nga kryeministri për t’i mbrojtur propagandëne tij, por si Edita Tahiri janë pak ata apo ato që mund t’i zhveshin nga gënjeshtrat dhe mashtrimet njerëz të tillë, duke iu zbuluar fytyrën e vërtetë./CNA.al

Qeveria Shqiptare Keshilli i Ministrave