E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

“Policia neglizhoi telefonatat tona “/ Këngëtari shqiptar rrëfen si i vodhën pasaportën

29 Prill 2019, 17:33, Aktualitet CNA

Këngëtari Alban Ramosaj ka kaluar një episod mjaft të pakëndshëm në udhëtimin e tij të fundit në shtetin fqinj, Greqinë.

Artisti ka qenë në Selanik së bashku me të motrën, këngëtaren Beatrix Ramosaj, kur makina e tyre është thyer dhe agresorët kanë vjedhur disa nga sendet e me vlerë.

Por ajo çka i ka zemëruar shumë dy artistët është se policia ka neglizhuar telefonatat e tyre.

Eksperiencën e tyre të keqe ata e kanë ndarë me ndjekësit e tyre në rrjetet sociale, ku i këshillojnë të kenë kujdes kur të ndërmarrin udhëtime aventurieske.

Vetëm një ditë pas ngjarjes Alban Ramosaj është kontaktuar nga “Blitz.al” dhe ka rrëfyer eksperiencën e tij.

“Falë Zotit nuk ka ndodhur diçka më e rëndë e jemi shëndoshë e mirë. Ironikisht kaluam mjaft mirë, pavarësisht grabitjes (qesh). E vetmja gjë që më ngacmon kuriozitetin është pse pasaportat? Dhe në ç?formë mund të keqpërdoren? Policia na tregoi që në të njëjtën natë rreth 8 makina të tjera ishin grabitur dhe vetëm pasaportat ishin vjedhur. Uroj të jetë mbyllur me kaq dhe të mos ketë vazhdim ky episod?, – u shpreh Albani.

Ndërsa vonesat e policisë, Albani i justifikoi duke përmendur pushimet e Pashkëve. Ndër të tjera, ai zbuloi se ndihmën më të madhe e kishin marrë nga Anjeza Lilollari.

?Duke qenë se u gjendëm në Selanik në periudhë festive dhe pushimi, autoritetet përkatëse duket se mundoheshin të rrinin në shpirtin e festës. Ky ishte dhe shkaku i neglizhencës dhe reagimit të ngadaltë ndaj telefonatave dhe vizitave në rajone policore të ndryshme. Nuk u vëmë faj, të gjithëve na pëlqejnë ditët e pushimit. Falë zotit nuk ishte aksident rasti ynë se kushedi si do përfundonte situata. Një falenderim të veçantë për zonjushë Anjeza Lilollarin, të konsullatës shqiptare që pavarësisht se në ditë pushimi, na u gjend e gatshme për çdo gjë. Rroftë Gjaku Shqiptar! Gëzuar Pashkët dhe kini kujdes në aventurat tuaja?,- përfundoi këngëtari.