web counter
LEXO PA REKLAMA!

SHKARKO APP

App Store
Google Play

E fundit!

x

Dy superoperacione antidrogë/ Policia greke arreston bandën shqiptaro-iraniane

24 Prill 2019, 17:44, Aktualitet CNA

Gjatë dy superoperacioneve të ndërmarra ditën e sotme në kryeqytetin e vendit Athinë, policia greke, ka venë në pranga shtatë persona, katër nga të cilët me kombësi shqiptare, dy iraniane dhe një grek 54 vjeçar, ndërsa ka sekuestruar një ndër sasitë më të mëdha të kanabisit, të kapura këto dy vitet e fundit në vend.

Burime të policisë athinjote, të cituara nga mediat greke, raportojnë se forcat speciale të policisë, EKAM, ndërhynë në zonat Kipseli, Zefiri, Sepolia, Menidhi dhe Ilion  të Athinës, duke arrestuar të sipërpërmendurit. Së bashku me arrestimet policia ka sekuestruar me cilësinë e provës materiale, 44 kg heroinë e pastër, 10 kg përzierjes të lëndës narkotike që, të bashkuara me sasinë e kapur në operacionin e zhvilluar në zonën e Elefsina, vlerësohet si më e madhja e kapur deri më sot.

Sipas Policisë lënda narkotike mbërrinte në Athinë nga Irani, ku përzihej e shpërndahej në zonën Eksarqia. Po ashtu trafikantëve iu kap edhe një pistoletë e sasi parash kesh. Trafiku i lendëve narkotike drejtohej nga dy shtetas shqiptarë, të cilët ndodhen në burgun e Koridhalos.

Operacioni i dytë policor u zhvillua në zonën e stacionit rrugor në Elefsina, ku prej një kontrolli të bërë në një taxi, u gjetën 75 kg kanabis dhe u vu në pranga një shtetas grek 54 vjeç. Prej hetimeve, rezultoi se lënda narkotike ishte ngarkuar në një magazinë të zonës Elefsina, brenda së cilës ndodhej një shtetas shqiptar 37 vjeç, tashmë i arrestuar.

Në total në këtë magazinë, dhe me taksinë e sekuestruar, u gjetën 744 kg kanabis,ndërsa në banesën e shtetasit shqiptar u gjeten edhe 10 kg të tjera duke e çuar sasinë totale në 755 kg kanabis. Hetimet e publikuara, bëjnë me dije se lënda narkotike ishte mbajtur prej shumë kohësh në magazinë. Ajo kishte mbërritur në Athinë nga Shqipëria.Përfitimet e grupit llogariten në shumë se 1 milion euro, konfirmoi policia greke./CNA.al

 





Lajmet e fundit nga