E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Nga Partia Socialiste tek KLP/ Bixhoz dhe pazare me Prokurorin e Përgjithshëm

16 Prill 2019, 09:31, Aktualitet CNA

Me 19 Mars 2019, Këshilli i Lartë Prokurorisë, hapi zyrtarisht garën për Prokuror të Përgjithshëm. Kur po bëhen gati një muaj, nga hapja e garës, ende nuk ka asnjë aplikim.

Nuk kuptohet ky hezitim i kandidatëve, por një gjë është e sigurtë, se skenaret janë përgatitur. Kandidatja e sigurtë deri më tani është Prokurorja e Përgjithshme e përkohshme Arta Marku.

Kjo e fundit e ka shprehur këtë ambicje, për të vijuar më tej arrogancën dhe dështimin e saj në krye të Prokurorisë. Një tjetër kandidat që konsiderohet i fortë dhe që thuhet në radhët e prokurorëve se tremb Arta Markun, është prokurori i Krimeve të Rënda, Olsian Çela.

I kontaktuar nga CNA.al, prokurori Çela ka thënë se ende nuk ka aplikuar për postin e Prokurorit të Përgjithshëm.

Ai nuk e ka pohuar, por as nuk e ka mohuar se do të aplikojë ditët në vijim, kur, është pyetur më tej nga CNA.al.

Kujtojmë se prokurori Çela, pas internimit nga Krimet e Rënda në Berat, është përballur me Arta Markun në Gjykatë dhe ka fituar. Tashmë duket se do të kenë një përballje të dytë, por këtë radhë në KLP e më pas në Kuvend.

Nëse ndalemi tek KLP, duket se shumicën e ka pro Marku. Madje kjo e fundit dyshohet se ka bërë çmos që prokuroren Antoneta Sevdari ta zëvendësojë me prokurorin Vatë Staka në KLP.

Ky i fundit është baxhanak me përkrahësin e flaktë të Markut, në KLP, Besnik Cani.

Në këto rrethana, KLP, e cila dyshohet se komandohet nga Partia Socialiste nëpërmjet kunatit të ish Ministres së Mbrojtjes Mimi Kodheli, do ta kthejë në bixhoz dhe garën për Prokurorin e Përgjithshëm.

Kunati, që ndryshe e thërrasin Gent Ibrahimi, por që pak e njohin me këtë emër, pasi rehatoi burrin e deputetes së PS-së Ermonela Felaj, të cilin nga një magjistrat pa shkollë magjistrature e bëri prokuror, tashmë ka radhën të rehatojë Markun.

Kjo e fundit edhe pse ka dështuar, në drejtimin e institucionit në të gjitha aspektet, duket se kërkon me ngulm të mos largohet nga Prokuroria e Përgjithshme, derisa ta shkatërrojë organin e akuzës, duke i shërbyer politikës.

E vetmja gjë që ka ndryshuar Marku që ka nga koha kur u zgjodh mes tymit dhe flakdanëve, është luku i saj, që nga flokët dhe veshja, por asgjë tjetër.

Ajo e ka ndarë prokurorinë në klane, ku sherret janë të pranishme më shumë se sa hetimet.

Një Prokuror i Përgjithshëm që ka fobi mediat, që s’di të thotë dy fjalë, që bën sherr me kolegët, përkthehet zhvatje të taksave të qytetarëve, për të siguruar mirëqenien e tij dhe s’ka lidhje me drejtësinë.

Nëse KLP e sheh si bixhoz garën për Prokuror të Përgjithshëm, janë mediat ata që duhet t’i japin zë skandalit.

Kujtojmë se rregullorja e miratuar rreth një muaj nga KLP për zgjedhjen e Prokurorit të Përgjithshëm parashikon 4 kriteret kryesore për vlerësimin e kandidatëve: Kriterin profesional, kriterin moral dhe të integritetit, vlerësimin organizativ dhe drejtues si dhe elemente shtesë për vlerësim./CNA.al