E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Protesta e opozitës/ Jehonë në mediat ndërkombëtare

28 Mars 2019, 11:47, Aktualitet CNA

Opozita e bashkuar ka zhvilluar sot potestën e radhës para parlamentit. Ndërkohë, protesta ka pasur jehonë edhe në mediat në mediat ndërkombëtare.

Agjencia italiane e lajmeve, Ansa, ndërsa pasqyron ngjarjet në Tiranë, ka këtë titull ?Opozita protesta, tensione? .

?Partia demokratike bën thirrje për dorëheqjen e Kryeministrit Socialist Rama. Tensionohet protesta e sotme nga ana e opozitës shqiptare, përpara Parlamentit ku është duke u zhvilluar protesta e radhës. Përveç fishekzjarrëve dhe bombave të tymit, grupet e protestuesve kanë provuar disa herë që të kalojnë kordonin e sigurisë në hyrjen kryesore, ku janë vendosur shumë oficerë policie. Që nga shkurti i kaluar, opozita ka zgjedhur të dalë në rrugë për të kërkuar dorëheqjen e Kryeministrit socialist Edi Rama, i akuzuar për korrupsion dhe bashkëpunim me krimin e organizuar dhe mbajtjen e zgjedhjeve të parakohshme, pas krijimit të një qeverie transitore. Një grup deputetesh të opozitës dhanë dorëheqjen, duke hequr dorë nga mandatet e tyre parlamentare. Megjithatë, të paktën 17 prej tyre u zëvendësuan nga kandidatë të tjerë të opozitës, të cilët ishin në listat e vitit 2017.? ? shkruan ANSA.

Protesta ka pasur jehonë edhe në media të tjera, të huaja si ?New York Times?, ?The Associated Press? etj, të cilat kanë raportuar për zhvillimet në Tiranë.

?Mbështetësit e opozitës në Shqipëri përpiqen të pengojnë zhvillimin e seancës parlamentare. Protestuesit e opozitës shqiptare, teksa kërkojnë dorëheqjen e qeverisë dhe zgjedhje të parakohëshme, kanë tentuar sërish të hyjnë me forcë në parlament.? ? shkruan New York Times.

?Protestuesit e udhëhequr nga Partia Demokratike përdorën tymuese, kapsolle dhe u përleshën me policinë duke u përpjekur të thyejnë kordonin, që mbron ndërtesën e parlamentit ku po mbahet seanca parlamentare e radhës. Opozita akuzon qeverinë e majtë të Partisë Socialiste të Kryeministrit Edi Rama se është i korruptuar dhe i lidhur me krimin e organizuar, të cilin qeveria e mohon. Që nga mesi i muajit shkurti, mbështetësit e opozitës janë përpjekur vazhdimisht të hyjnë në ndërtesat e parlamentit ose të qeverisë dhe policia është përgjigjur me gaz lotsjellës dhe me ujë?.-citohet në artikullin e New York Times.

Po ashtu protesta është transmetuar ?Live? edhe nga Zëri i Amerikës, përmes rrjeteve sociale.