E fundit!

22:27 Ekonomi

Hyn në fuqi rregullorja e re/ Licencat e shoqërive në ndërtim do të vlejnë deri në 5 vjet

Licencat e shoqërive të ndërtimit do të kenë afat vlefshmë...

Ndryshimet e bujshme në Ministri/ “Hiqja Lenës, vëja Prenës”

27 Mars 2019, 13:21, Aktualitet CNA

Me 28 dhjetor 2018, gjatë Asmablesë së Partisë Socialiste, kryeministri Rama shkarkoi më shumë se gjysmën e kabinetit të tij qeverisës.

Në një komunikim Live, që u duk si lëvizje ?surprizë? e Ramës ai shkarkoi 7 nga ministrat e kabinetit të tij.

Por, ndërkohë vala e shkarkimeve duket se ka shkaktuar një efekt zinxhir edhe në disa institucione të tjera shtetërore, në varësi të ministrive përkatëse.

Në fillim ishte Ministrja e Transportit dhe Energjetikës, Belinda Balluku, e cila ndërmori një sërë shkarkimesh.

Shkarkoi drejtorin e Albpetrolit, Kastriot Bejtaj dhe në vend të tij u emërua Dritan Spahiu, i cili më parë ishte drejtori i Hidrokarbureve në Ministrinë e Energjisë.

Shkarkoi edhe kreun e ARRSH-së, Afrim Qendro dhe në vend të tij u emërua ish-ministrja e Mbrojtjes së Sipërmarrjes, Sonila Qato.

Shkarkoi drejtorin e Portit të Durrësit, Afrim Bakaj dhe në vend të tij u emërua Genti Tare.

Ndërkohë, një ditë më parë, ministri në Detyrë për Punët e Jashtme Gent Cakaj, shkarkoi 20 diplomatë shqiptarë, në vendet e huaja.

Po ashtu dje, kryeministri Rama ka firmosur emërimin e Artan Lames në krye të Agjencisë Shtetërore të Kadastrës, insitucioni i ri që bashkon ALUIZNI-n dhe Hipotekën.

Nga ana tjetër, sot Ministrja e Financave ka liruar nga detyra dy drejtuese të larta, Drejtoresha e Doganave Belinda Ikonomi dhe Drejtoresha e Tatimeve, Vasilika Vjerro.

Zëvendësuesi i Ikonomit te Doganat do të jetë Arlind Gjokutaj, më herët Drejtor i Pastrimit të Parave, ndërsa Vjerro do të zëvendësohet nga Enton Duro, drejtor në ministrinë e Financave.

Mësohet gjithashtu se zonja Ikonomi pas largimit nga Doganat do të marrë postin e zëvendës ministres se Ekonomisë.

Pra, ashtu sikurse duket nga ndryshimet që ne kemi listuar më sipër, nuk ka ndryshuar asgjë. Thjeshtë kemi një qarkullim të të njëtëve emra. Dikush iken më lart, dikush më poshtë. E vetmja gjë që ndodh janë ndryshime zyrash.

Kryeministri i Rilindjes duket të jetë në përpëlitjet e fundit, dhe duket se nuk ka emra, nuk ka fuqi që të ndryshojë ritmin e qeverisë, dhe si zgjidhje ka gjetur qarkullimin e të njëjtëve persona.

Gjithçka që bën Rama dhe e shet si lëvizje e bujshme apo riformatim i qeverisë, i ngjan asaj shprehjes popullore ?hiqja Lenës, veja Prenës?./ CNA.al