web counter
LEXO PA REKLAMA!

SHKARKO APP

App Store
Google Play

Refuzoi lënien e mandatit/ Murrizi zbulon hapin e rradhës

26 Mars 2019, 13:05, Aktualitet CNA

Deputeti demokrat, Myslim Murrizi ka zbuluar hapin e rradhës që do të ndërmarrë së bashku me deputetët e tjerë demokratë, pas refuzimit të vendimit për lënien e mandatit.

Në një intervistë për ?Top Channel?, Murrizi deklaroi se do të kushtëzojë votën e tij në ndryshimin e sistemit zgjedhor.

Sipas tij, të gjitha palët kanë dashur të fusin duart tek votat. Murrizi theksoi se komisionerët nuk duhet të jenë politikë dhe se duhet të ashpërsohet kodi për shitblerjen e votës.

?Me grupin parlamentar që do të krijohet shumë shpejt ndoshta të enjten bëhemi 7 nga PD se do të vijë edhe kryetari PD i Peqinit si deputet.

Por, edhe me pjesë që kanë zëvëndesuar listën e LSI unë si Myslym Murrizi nuk e di sa do të me ecë fjala me përfaqësues të tjerë në Kuvend do ta kushtëzoj votën time në ndryshim të sistemit zgjedhor pasi kodi është artificë, ku të gjitha palët kanë dashur të fusin duart tek votat.

Komisionerët nuk duhet të jenë politikë dhe ka administratë siç janë arsimi, pra mësues. Duhet të ashpërsohet Kodi Penal për shitblerjen e votës, si për shitësin dhe blerësin?, deklaron Murrizi.

Sipas deputetit Murrizi, ai dhe opozita e re do të këmbëngulin për listat e hapura, duke u shprehur se ato sjellin demokraci brenda subjekteve politike dhe vrasin servilizmin.





Lajmet e fundit nga