web counter
LEXO PA REKLAMA!

SHKARKO APP

App Store
Google Play

Mitingjet e mazhorancës/ Skandali me administratën shtetërore

9 Mars 2019, 19:57, Aktualitet CNA

Ish-kryeministri Sali Berisha me anë të një statusi në rrjetet sociale ka bërë publik denoncimin e një qytetareje.

Sipas qytetares, që prezantohet si punonjëse e Bashkisë së Tiranës, për shkak të protestave të opozitës administratat po i mbajnë në punë me orare të zgjatur.

?Jam punonjëse e Bashkisë së Tiranës dhe desha t?ju tregoj se kohët e fundit nga frika e protestave të opozitës të gjithë ne si administratë po na trajtojnë si repart ushtrie.
Sa herë ka protestë neve na mbajnë në punë me apel pavaresisht orarit?,-  ka shkruar qytetarja te Berisha.

Më tej, denoncuesja vazhdon duke iu  referuar ditës së 16 Shkurtit, ku sipas saj i kanë shënuar emrat edhe në sendiljet e autobuzit, se kush do të shkonte në mitingun e zhvilluar nga Rama.

?Situata më absurde ishte më datë 16 Shkurt (e shtunë) ku na organizuan me autobuzë e na cuan në antimitingun e Ramës me karrige në Vlorë. Ishte si skenë teatri absurd pasi na kishin shënuar me emra deri karriget në autobuz dhe deri karriget në Sheshin e Flamurit. Na trajtuan thjesht si një numër e na u kujtua transporti i hebrenjve në filmat e Spielberg.
Trajtimi kaq poshtërues i administratës nuk lë shije të mirë, cënon dinjitetin tonë profesional dhe nuk premton ditë të mira për profesionistet mendjehapur por vec për të paaftet lepe-peqe?,- thuhet në postimin e Berishës./CNA.al





Lajmet e fundit nga