web counter
LEXO PA REKLAMA!

SHKARKO APP

App Store
Google Play

Zëvendësimi i deputetëve/ KQZ thërret katër kandidatët e LSI

2 Mars 2019, 11:11, Aktualitet CNA

Komisioni Qendror i Zgjedhjeve ka njoftuar se të hënën do të japë mandatet për katër deputetë nga radhët e LSI-së.

Me thirrjen ndaj tyre për t’u paraqitur në KQZ, ka nisur kështu edhe zëvendësimi i deputetëve të Opozitës, të cilët u larguan me dëshirën e tyre.

Kështu të hënën është thirrur për t’iu dhënë mandati i deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Tiranë, Ylli Shehu për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, z. Endrit Braimllari.

Gjithashtu për t’iu dhënë mandati i deputetit të Kuvendit të Shqipërisë, është thirrur dhe kandidatja e listës shumemërore të Partisë Lëvizja Socialiste për Integrim, Qarku Dibër, Aurora Mara, e cila do të zëvendësojë Përparim Spahiun, pas dorëheqjes së këtij të fundit në mënyrë vullnetare.

Pranë KQZ, për t’iu dhënë mandati i deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Elbasan, është thirrur edhe Enver Roshi, i cili do të zëvendësojë, Edmond Haxhinaston.

Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Tiranë, është edhe thirrur Edmond Rrushaj, i cili do të zëvendësojë vendin e mbetur bosh nga Floida Kërpaçi./CNA.al





Lajmet e fundit nga