web counter
LEXO PA REKLAMA!

SHKARKO APP

App Store
Google Play

Zgjedhjet lokale në Tuz/ MEPJ: Rasti që shqiptarët të bashkohen

1 Mars 2019, 16:28, Aktualitet CNA

Zgjedhjet lokale në Komunën e Tuzit kanë sjellë reagimin e Ministrisë për Evropën dhe Punët e Jashtme.

Përmes deklaratës zyrtare MEPJ thotë se bashkimi i partive kryesore përbën një hap të mençur dhe patriotik drejt maksimalizimit të votave të shqiptarëve në komunën e Tuzit.

Reagimi i plotë:

Ministria për Evropën dhe Punët e Jashtme po ndjek me vëmendje të veçantë fushatën zgjedhore për zgjedhjet lokale për Komunën e Tuzit, që do të zhvillohen më 3 mars 2019. Këto janë zgjedhjet e para pas krijimit të Komunës së pavarur të Tuzit, çka përbën një zhvillim të rëndësishëm në përmbushjen e një kërkese legjitime të popullsisë shqiptare të kësaj zone.

Shprehim bindjen se procesi zgjedhor do të jetë konform standardeve më të mira ndërkombëtare. Bashkimi i partive kryesore shqiptare në aleancën parazgjedhore ?Forumi Shqiptar? nën moton ?Malësia na Bashkon? përbën një hap të mençur dhe patriotik drejt maksimalizimit të votave të shqiptarëve në komunën e Tuzit.

Tashmë është momenti historik që shqiptarët e Tuzit e të Malësisë, me ndihmën e vyer të bashkatdhetarëve të Diasporës, të marrin mbi vete përgjegjësitë e drejtimit të Komunës.

Prandaj ky koalicion, si shembull i bashkimit të faktorit politik shqiptar, meriton konsoderatë të veçantë dhe mbështetje të fuqishme. Ministria për Evropën dhe Punët e Jashtme vë në dukje se shqiptarët e Malit të Zi kanë dhënë një kontribut të veçantë në proceset më të rëndësishme të vendit, që nga pavarësia dhe deri tek anëtarësimi i Malit të Zi në NATO. Shqiptarët edhe në të ardhmen do të mbeten një faktor i rëndësishëm në përparimin e Malit të Zi dhe një urë e fortë lidhëse mes dy vendeve mike./ CNA.al

 

 





Lajmet e fundit nga