web counter
LEXO PA REKLAMA!

SHKARKO APP

App Store
Google Play

Grupi i ri parlamentar i opozitës/ Zbulohen “tradhëtarët” e Bashës

28 Shkurt 2019, 12:49, Aktualitet CNA

Prej rreth dy javësh, kryetari i Partisë Demokratike, Lulzim Basha ka urdhëruar djegien e mandateve të deputetëve, si shenjë proteste kundër qeverisë.

Ndërkohë, që deputetët e opozitës kanë dorëzuar mandatet, KQZ ka njoftuar dje kandidatët në listën pritëse që të dorëzojnë formularët e vetdeklarimit.

Nga ana tjetër, në media është raportuar se shumë nga emrat në listën pritëse mund të pranojnë mandatet e deputetëve.

Aktualisht parlamenti ka 74 deputetë nga Partia Socialiste, 3 deputetë nga PDIU-ja, që e çojnë numrin në 77. Është edhe deputeti i LSI-së, Robert Bitri, që shkon në 78. Plus edhe Lefter Koka, Myslim Murrizi dhe Rudina Hajdari, të cilët nuk i kanë dorëzuar mandatet. Pra, numri ideputetëve aktualë që ka sot parlamenti është 81, nga 140 vende që ka në total.

Ndërkohë, CNA.al ka mësuar se pritet që rreth 15 kandidatë në listat pritëse të PD-së të marrin mandatet.

Burime zyrtare nga PD-ja i thanë CNA.al se kanë hasur probleme me disa nga emrat në qarqe të ndryshme, të cilët nuk pranojnë të dorëzojnë dorëheqjen dhe me shumë gjasa pritet që të dorëzojnë formularin në KQZ dhe të marrin mandatin e deputetit.

I njëjti burim saktësoi se në momentin që këta kandidatë do të marrin mandatin, do të përjashtohen nga PD-ja dhe do të akuzohen si njerëz të Edi Ramës.

Por, mesa duket djegia e mandateve ka filluar të ketë një valë tjetër përçarjesh në PD. Pra, Rudina Hajdari dhe Myslim Murrizi nuk do të jenë vetëm, por mund të shkojnë në formimin e një grupi të ri parlamentar, që do të shkojë në të paktën 15 deputetë.

Pra, numri total i deputetëve në parlament, me shumë gjasa mund të shkojë në rreth 94 deputetë./ CNA.al





Lajmet e fundit nga