E fundit!

19:36 Aktualitet

"Nuk kemi asnjë pikë takimi me Librazhdin"/ Qyetarët e Prrenjasit në protestë kundër planit për "Territorialen"

Qytetarët e Përrenjasit po zhvillojnë ditën e sotme një pr...

Hipokrizia e Shpëtim Idrizit me çamët

26 Shkurt 2019, 10:50, Aktualitet CNA

Dy ditë më parë, kreu i PDIU-së, Shpëtim Idirizi, i cili pretendon se përfaqëson interesat e çamëve, ka pasur një reagim ndaj presidentit grek.

PDIU, e drejtuar nga Shpëtim Idrizi është një parti që jep tone nacionaliste dhe e quan veten përfaqësuese të Çamërisë dhe të çamëve, por ndërkohë po të shohim një historik të thjeshtë, e kuptojmë se me shumë sesa një parti përfaqësuese e problematikave të çamëve, është një parti e interesave personale të Shpëtim Idrizit.

Ky i fundit më shumë sesa një çam është një ish-drejtor doganash i akuzuar për hajdut nga Partia Demokratike. Sot Shpëtim Idrizi bën sikur është në opozitë me Partinë Demokratike dhe i ?digjet barku? për kauzën e çamëve, por një këmbë e ka në pushtetin e Edi Ramës.

Po të shkojmë pak më tej, në kohën e zgjedhjeve të vitit 2017, ai ishte në krah të kryeministrit dhe të tre deputetët që ai vuri në lista dhe që janë në parlament, janë me Edi Ramën.

Përpara saj, në vitin 2013 ishte në koalicion me Sali Berishën, dhe menjëherë sapo PD-ja humbi, bëri gjithçka dhe hyri në qeveri me Ramën. Kujtojmë këtu edhe përplasjet me LSI-në dhe presidentin Meta, i cili në atë kohë pretendonte se PDIU-ja nuk duhej të hynte në qeveri, pasi nuk kishte kontribuar për ardhjen e Rilindjes në pushtet.

Pa shkuar më tej në formimin e çamëve në dy parti më parë, në tre parti, në ndarje e në bashkime, apo duke shkuar edhe tek historitë e doganave të Shpëtim Idrizit, e të tjera si këto.

Por, përtej kësaj renditje të ngjarjeve në këto 15 vite duke in kaluar shpejt, sot kemi një çudi tjetër shumë të madhe.

Për herë të parë në histori, Shpëtim Idrizi është në koalicion me PBDNJ-në e grekëve.

Në media PDIU reagon ashpër ndaj Greqisë, dhe gjoja në interes të çështjes çame, por nga ana tjetër është në koalicion me PBDNJ-në e Vangjel Dules, e cila mbron interesat e shtetit grek, në Shqipëri.

Kujtojmë këtu se Vangjel Dule u zgjodh nënkryetar Kuvendi pas koalicionit me Ramën në zgjedhjet e 2013-ës. Por në maj 2015, Dule ka dhënë dorëheqjen nga posti i nënkryetarit të Kuvendit. Vendimi i tij erdhi pas miratimit nga ana e parlamentit të Shpëtim Idrizit, si nënkryetar i Kuvendit.

Në këtë moment, Dule dhe dorëheqjen. Më pas në zgjedhjet e 2017-ës, edhe vetë Idrizi nuk fitoi në Tiranë, nuk mundi dot të merrte mandatin e deputetit dhe sot bën aleancë me Vangjel Dulen. Njeriu që flet për çështjen çame, është në koalicion me grekët.

Ai që flet nëpër media kundër Greqisë, është në koalicion opozitar me partinë që përfaqëson interesat greke në Shqipëri.

Faktet e mësipërme dhe gjithçka tjetër ndodh duket të jenë kaq qesharake, sa tregojnë se Shpëtim Idrizi më shumë sesa hallin e çamëve ka hallin e tepsisë së pushtetit. Sepse ai mund të bëjë aleancë jo vetëm me Greqinë, por edhe me djallin. Mjafton që ti plotësohen interesat e tij personale.

Një ish-demokrat me Berishën, që shkoi dhe u bë doganier i Edi Ramës. Më pas bashkoi partinë e çamëve dhe u fut në koalicion me Berishën, braktisi këtë të fundit dhe shkoi me Edi Ramën dhe tani shkoi tek Lulzim Basha, ku gëzon një koalicion të plotë me PBDNJ-në e grekëve.

Pra, mjaftojnë këto fakte, por mund të ketë edhe të tjera, të cilat tregojnë se Shpëtim Idrizi nuk është një çam dhe nuk ka hallin e çamëve, por është një çam që ka hallin e vetes së tij dhe nuk e ka problem të bëjë koalicion me Vangjel Dulen dhe ndoshta edhe me atë presidentin grek që e shante. Mjafton ti japin pushtet dhe ai të ketë përfitimet e tij personale apo qoftë edhe një copë deputet, mandate të cilin nuk e mori dot në 2017-ën për shkak të paaftësisë së tij./ CNA.al