web counter
LEXO PA REKLAMA!

SHKARKO APP

App Store
Google Play

E fundit!

x

Djegia e mandateve/ Lulzim Basha si dështim dhe roli i Sali Berishës

25 Shkurt 2019, 10:24, Aktualitet CNA

Djegia e mandateve duket një akt ekstrem nga ana e opozitës, përtej proçedurave të cilat do çojnë në një zgjatje të proçesit.

Një analizë e ketij veprimi tregon se është një akt i pa preçedentë dhe i rrezikshëm, nga opozita në një rrugë të pashkelur më parë.

Pse veproi kështu Basha?

Një pyetje që ende s?ka gjetur përgjigje të qartë përtej çdo qëndrimi të analizuar deri tani.

Më një renditje të fakteve dhe analizë të thjeshtë qartazi kuptohet se veprimi më shumë se akt opozitar që vinte nga fryma e elektoratit është një veprim sërish i nxituar personal, një çadër e dytë më ekstreme, ky vendim i këshilluar dhe udhëhequr në hije nga doktor Berisha.

Lulzim Basha tashmë është i pa zoti për të ngritur një parti që po rrudhet çdo ditë. Këtë Berisha e di mirë, sondazhet tregojnë një ulje të pandalshme të PD-së dhe Bashës. Në bazë PD është e shpartalluar, e përçarë dhe me struktura inekzistente. Ekipi i Lulit dhe sherret e brendshme i vunë flakën bazës PD-së, që përtej çdo manipulimi ka 230 mijë vota më pak.

Edhe vetë manipulimi apo blerja e votave është një përgjegjësi që kalon edhe tek vetë Basha. Ai është i pa zoti për të fituar zgjedhjet, krijon proçese sistematike përçarëse dhe nuk di të ndërtojë fushatë elektorale.

I paaftë për të ndërtuar një ekip që di të mbledhë dhe ruajë votat. Askush nuk i beson dhe nuk e mbështet si Berishën dje.

Në çdo diskutim më politikanë dhe pjesë të ekipit të tij dëgjoj fjalinë se ?Luli është i paaftë të bëjë për vete komunitetin  ndërkombëtar?.  Kreu i PD-së është kthyer në një person i pabesueshëm dhe pa asnjë garanci. Megjithëse arma e tij dikur thuhej se ishte pikërisht diplomacia, ai e ka çuar PD në situatën më të keqe në këto 30 vite.

Në një situatë me mjaft vështirësi dhe problematika, duke filluar me strukturat e partisë, mungesën e mbështetjes në elektorat, rënien e vazhdueshme politike si dhe humbjen e mbështetjes së ndërkombëtarëve, Lulzim Basha kreu një akt ekstrem që do krijojë preçedent për të ardhmen.

Sigurisht që Basha po shfrytëzon dhe mllefin e madh që ka një pjesë e popullit ndaj Edi Rames, kryesisht për sjelljet e tij në publik.

Nëse kyetar i PD do ishte Berisha, ai kurrë nuk do të shkonte në këtë pikë, përtej mbështetjes apo përdorjes që i bën Lulzim Bashës. Beteja opozitare ka problem të identifikuar kryesor njeriun që e drejton sot PD-në, pasi Luli nuk mund të jetë kurrë Saliu, por aktet e tilla duan një doktor dhe jo një infermier në paradhome.

Por, si ka mundësi që ai e mbështeti? Një tjetër pyetje nga demokratët që merr përgjigje nga veprimet e bëra prej doktorit këto 6 vite.

Berisha nuk është Basha. Doktori mban përgjegjësi për zgjedhjen e tij dhe si rrjedhojë i intereson që ky njeri të mund të shpëtoje nga degradimi.

Berisha e di shumë mirë që në kushte normale Basha është totalisht i humbur ndaj po provon që situata të radikalizohet në mënyre që të mund të vijë Basha në pushtet nëpërmjet zgjidhjeve politike në tavolinë, por edhe duke zgjidhur disa nga problemet e mësipërme.

Tani ngelet vetëm të shohim a do mund të realizohet ky skenar që në fund të fundit është epilogu i çadrës së dy viteve më parë./CNA.al

Opozita show me djegien e mandateve/ Zbulohet mashtrimi





Lajmet e fundit nga