web counter
LEXO PA REKLAMA!

SHKARKO APP

App Store
Google Play

Grushti i shtetit/ Rikthehen arrestimet masive në Turqi

22 Shkurt 2019, 17:06, Aktualitet CNA

Qindra ushtarakë janë venë nën pranga gjatë ditës së sotme, pasi më parë policia ka kryer bastisje nëpër shtëpitë e tyre. Së bashku me lajmin, mediat turke kanë thenë se gjithçka është në kuadër të rikthimit të akuzave për zgjerimin e rrethit të të përfshirëve në grushtin e dështuar të shtetit të muajit Korrik 2016.

Arrestimet masive të ushtarakëve vijnë pasi, po në fillim të kësaj jave, policia ka ekzekutuar urdhërarrestet e Prokurorisë për vënien nën pranga të disa gazetarëve dhe akademikëve, si dhe të një filantropi, të akuzuar për pjesëmarrje në kryengritje, akuzë që nëse provohet mund të çojë në dënimin e tyre me burgim të përjetshëm.

Sikurse dhe në fazën e parë të arrestimeve masive, edhe në këtë të dytën, ndaj të arrestuarve, Prokuroria ka ngritur akuzën e lidhjes me rrjetin e klerikut mysliman Fethullah Gulen, i cili jeton në SHBA.

Vetë Gulen, i akuzuar për rolin e tij të fshehjes pa grushtit të shtetit, dikur ka qenë aleat i presidentit Rexhep Tajip Erdogan. Ai përherë i ka mohuar akuzat se qëndron pas përpjekjes për grusht shteti, gjatë së cilës u vranë rreth 250 vetë.





Lajmet e fundit nga