web counter
LEXO PA REKLAMA!

SHKARKO APP

App Store
Google Play

Bilanci tragjik/ 5 gra të vrara në një muaj

12 Shkurt 2019, 21:28, Aktualitet CNA

Mëngjesin e të martës, një efektiv i Gardës së Republikës së Shqipërisë , Alket Arapaj, ka vrarë me armë zjarri bashkëshorten e tij, duke shënuar kështu krimin e fundit, por jo të parin e fillimvitit 2019. Sepse nëse do t?i referohemi kalendarit të vrasjeve të femrave nga data 1 Janar 2019, deri sot numërohen pesë krime të tilla. Autorët e të cilëve janë pas hekurave.

Ja kronologjia e ngjarjeve me fund tragjik.

Vrasja e parë  u shënua në fillimet e vitit të ri, konkretisht në datën 2 Janar 2019, vrasje e dyfishtë e cila ndodhi në Ballsh. Autori, Gazmend Musta vrau bashkëshorten e tij dhe motrën e saj 18 vjeçare.

Një ditë më pas u bë publike një tjetër vrasje makabre që ndodhi në Alepu,Kofuz të Greqisë, ku një shqiptar vrau vajzën e tij 28 vjeçare dhe më pas e fshehu trupin e saj në kopshtin e shtëpisë.

Gjithçka ndodhi për shkak të një lidhje dashurie që e ndjera Angjelika Pjetri, kishte krijuar me një Afgan, gjë të cilën babai i saj nuk e pranonte dhe si përfundim vrau të bijën.

6 Shkurt 2019, një tjetër viktimë femër u shënua në qytetin e Vlorës. Bëhet fjalë për një tjetër krim në familje, burri vret me thikë bashkëshorten e tij dhe më pas pret damarët. Si pasojë gruaja ndërroi jetë, ndërsa burri shpëtoi.

Viktima e fundit u shënua ditën e sotme në ?Allias?, bashkëshorti, Alket Arapaj, vrau bashkëshorten e tij, Ervilma Seferaj, për motive të dobëta me armën e shërbimit./CNA.al

Krimi në familje/ Policia zbardh ngjarjen

Horror në Greqi/ Shqiptari vret vajzën dhe e varros në kopështin e shtëpisë

Krimi në familje trondit Vlorën/ Burri vret gruan, plagos veten

Tronditet Tirana/ Gardisti vret gruan me armë zjarri

 

 

 





Lajmet e fundit nga