web counter
LEXO PA REKLAMA!

SHKARKO APP

App Store
Google Play

Fytyra e drejtësisë/ 4.7 vjet pritje në dyert e gjykatave

11 Shkurt 2019, 18:18, Aktualitet CNA

Një punonjësi që humb punën në shtet i duhet të presë në dyert e gjykatës mesatarisht 840 ditë (2.3 vjet) për të gjetur drejtësi në të dyja shkallët e gjykimit. Shtuar edhe shqyrtimin e rekursit në Gjykatën e Lartë, pritja arrin mesatarisht 1730 ditë ose rreth 4.7 vjet.

Të dhenat janë pjesë e një raporti që organizata INFOCIP  ka hartuar pas një studimi në qendër të të cilit janë marrëdhëniet e të shkarkuarve nga puna me gjykatat. Raporti është publikuar sot. Së bashku me të dhenat e mësipërme studimi thotë se sipas ligjit, afati i zgjidhjes së një mosmarrëveshjeje administrative deri në Apel nuk duhet t?i kalojë 90 ditë.

Nëse gjykimi i këtyre padive do të realizohej shpejt, INFOCIP beson se dëmi ekonomik do të reduktohej ndjeshëm, pasi punonjësi do të kishte mundësi reale të rikthehej në vendin e punës përmes ekzekutimit të vendimi gjyqësor të formës së prerë, pa qenë nevoja që shteti të paguajë dy rroga për të njëjtin vend pune, e në ndonjë rast edhe tre paga.

Ka raste kur brenda një dite një drejtor i ri mund të bëjë 100 shkarkime nga puna. Largimet kolektive nga puna janë një barrë e rëndë për të gjithë, thekson raporti i UNFOCIP./CNA.al





Lajmet e fundit nga