web counter
LEXO PA REKLAMA!

SHKARKO APP

App Store
Google Play

Katër policë të vrarë në Durrës/ Sandër Lleshaj kërkon drejtësi

10 Shkurt 2019, 13:22, Aktualitet CNA

Ministri i Brendshëm, Sandër Lleshaj ka dalë në një deklaratë për mediat për vendimin që gjykata e Apelit e Krimeve të Rënda dha për Dritan Dajtin, duke i ulur dënimin nga burgim i përjetshëm në 25 vite burg.

Lleshja tha sot se ulja e dënimit të autorit të vrasjes së katër policëve në Durrës në vitin 2009, tregon se ende një pjesë e drejtësisë është e kapur nga krimi.

?Ulja e dënimit të Dritan Dajtit erdhi si pasojë e një vendimi kriminal të disa gjyqtarëve që sigurojnë largimin e klientëve nga hekurat.

Edhe pse nuk mund të japë detaje, deklaroj se operacioni ?Forca e ligjit? po punon fort për të bërë zbardhje të plotë në lidhje me këtë çështje dhe për të dënuar kriminelët.?-tha ai.

Me tej, ministri deklaroi se drejtësia do të vendoset dhe se çështja do shkojë me patjetër në Gjykatën e Lartë.

?Nuk mund të ketë qetësi në policinë e shtetit dhe te ministri i Brendshëm derisa ky vendim të zhbëhet nga Gjykata e Lartë dhe të vendoset drejtësia për gjakun e policisë.

Raste si ky i fundit na dëshmojnë se njerëz të kapur, pafe dhe të veshur me petkun e drejtësisë çmenden për paratë e krimit.

I siguroj shqipatrëve dhe familjarëve të policëve që dhanë jetën për sigurinë e vendit se do t?i shkojmë deri në fund këtij rasti dh edo të vendosim drejtësi.?,- u shpreh Sandër Lleshaj./CNA.al

 





Lajmet e fundit nga