E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Përdhunimet, revoltohet Aurela Gaçe: “Shoqëria është e para që i masakron”

9 Shkurt 2019, 09:10, Lifestyle CNA

Kosova dhe Shqipëria janë pushtuar nga valët e kërkimit të të drejtave të grave, nisur nga rastet e përdhunimeve të fundit të adoleshenteve. Protestës në Kosovë i janë bashkuar dhe këngëtarë apo personazhe publikë. Ndërkohë këngëtarja e njohur Aurela Gaçe është bërë pjesë e revoltës nëpërmjet një statusi në Facebook. Ajo i është drejtuar së pari shoqatave të grave që në këto raste nuk ndihen, ndërkohë që kujtohen gjithnjë për mbledhjet e fondeve nëpërmjet koncerteve. Më pas, Aurela shprehet se jemi ne fajtorët e parë që nuk i mbrojmë e nuk i japim mbështetje këtyre grave.

Statusi i plotë i Aurela Gaçes

?Shoqata që mbrojnë të drejtat e gruas në këtë vend?apo të të miturve , a ka?
Ka, sigurisht.
Sepse shpesh na kërkojnë të jemi pjesë e koncerteve për të mbledhur fonde e unë sigurisht jam përgjigjur me prezencën time kudo ku më është kërkuar ndihma?.por?
Ku është zëri juaj?
Ku është zëri jonë për t?u ardhur në ndihmë?
Një e mitur, një vajzë, një grua, një nëne, një motër e dikujt vazhdon dhunohet?edhe përdhunohet.
Ku do të përplasen ato?
Ku gjejnë mbështetje?
Shoqëria jonë është e para që i masakron.
Eshtë e para me atë gjykimin e famshëm se ?donte vetë? , e lëre pastaj kur i marrin edhe jetën të shkretës grua?.arrijmë të nxjerrim nga goja jonë (se nga mendja jo e jo) -? hë se kushedi çfarë ka bërë,se u tall me ndjenjat a një psikopati, se kushedi ka dashuruar ndonjë tjetër ? etj etj etj bla bla bla.
Jemi ne fajtorët e parë qe nuk mbrojmë qoftë duke i dhënë krahë një gruaje të ndahet sa më parë nga një burrë që e dhunon se ai nuk shërohet, se ajo pret kot që ai të ndërrojë sjellje se s?ka për të ndodhur.
Jemi ne të parët që nuk i themi se ti mund t?ja dalesh edhe e vetme, se nuk ke nevojë të kesh në jetën tënde dikë që as e llogarit jetën tënde.
Jemi ne,familja,fisi, shoqëria që e bëjmë të besojë se ky ishte fati i saj e tani duhet ta pranojë,duke e paguar edhe me vdekje.
Jemi ne që fajësojmë ?atë ?,se ajo duhet të ketë faj, se ajo mund të ketë dashur vetë të dhunohet, mund të ketë provokuar vetë, se i krruhej vetë, se i vinte mirë ..më vjen të qaj, sidomos kur mësoj se këto mendime i ka një tjetër grua,një tjetër vajzë.
Me siguri këto janë ato të ndershmet e lagjes që mbajnë kokën ulur e nuk janë pëlqyer kurrë me askënd, nga ato që s?kanë historitë e tyre , që nuk provokojnë me xhinse të ngushta e dekoltera ?.me siguri këto janë ato që duhen pirë në kupë .
E si të flasin gratë e shkreta ?
Kur vetë ne gratë, ne që supozohemi të jemi qenia e brishtë që sjell në jetë një tjeter jetë?
Nëse i ndodh fëmijës tënd kjo gjë moj grua, nëse përdhunohet, nëse martohet e dhunohet, nëse bie në dashuri e pastaj masakrohet deri në vdekje nga ai që donte shume , ti moj e dashur grua tjetër, si do ta mbrosh vajzën e motrën tënde?
Duke i treguar se ? e ka kërkuar vetë??
Tmerr.
Mendësine s?kam forcë ta ndryshoj se atë e keni marrë padyshim në ambientin ku keni hedhur hapat e parë, e sigurisht ka rrënjë të thella?.
Por të paktën këto shoqatat e shumëpërfolura , pse nuk bëjnë zë?
Nëse zëri juaj nuk dëgjohet, nëse zërin tuaj se dëgjoj, atëherë, ju lutem, mos i bini më telefonit tim për të mbledhur fonde në ndihmë të grave.
Sepse kështu dhunoni edhe besimin.
Pikë!
Jemi ne, familja, shoqëria, shteti, policia, shoqatat që duhet t?u japim forcë e besim vajzave se do të jenë të mbrojtura .
Heshtja jonë u tregon atyre të mbajnë kokën ulur e të hidhen vetë në duart e vdekjes për të shpëtuar nga makthi,
Heshtja jone u thote atyre se janë vetëm.?