web counter
LEXO PA REKLAMA!

SHKARKO APP

App Store
Google Play

E fundit!

x

Kufijtë e Kosovës/ Zbulohen prapaskenat e ndërkombëtarëve

8 Shkurt 2019, 10:41, Aktualitet CNA

Ish-ministri i Drejtësisë në qeverinë Rama 1, Ylli Manjani ka thënë sot se debati mbi kufijtë e Kosovës është një përplasje e fortë SHBA-Europë.

Në një postim në rrjetet sociale, Manjani thekson se në këtë përplasje interesash ne nuk llogaritemi fare.

?Debati mbi kufijtë e Kosovës dhe jo vetëm, në të cilin gjendemi këto kohë, vjen në fakt si përplasje e fortë SHBA-Europë.

Në këtë përplasje madhore interesash ne nuk llogaritemi, por thjesht përdoremi si efekt kolateral.?-u shpreh ai.

Më tej, ish-ministri shtoi se pyetja kryesore tani nuk është nëse do të ndryshojnë apo jo kufijtë, por se cilën anë do mbajmë ne.

?Pyetja në të vërtetë nuk është a do i ndryshojmë, apo jo neve kufijtë?! As se cili është teksti i marrëveshjes X apo Y?

Pyetja për ne është me kë jemi në këtë përplasje: me SHBA apo me Europën (Gjermaninë)?

Me të dy krahët qartësisht është e pamundur të jesh.

Në Europë jetojmë, lëvizim lirisht dhe kemi volumin tregtar më të madh.

Në SHBA kërkojmë liri, ushtri e mbështetje politike sa herë jemi në hall, megjithëse nuk shkojmë dot pa viza dhe se volumi tregtar me Amerikën është thuajse i papërfillshëm.

Personalisht mbetem Europian në çdo rrethanë e çdo situatë?-thotë Ylli Manjani./CNA.al





Lajmet e fundit nga