web counter
LEXO PA REKLAMA!

SHKARKO APP

App Store
Google Play

Dritë jeshile nga BE?/ Ministri gjerman apel politikës shqiptare

7 Shkurt 2019, 08:45, Aktualitet CNA

Ministri gjerman i shtetit, Michael Roth, në një intervistë për Deutsche Welle ka thënë se Shqipëria duhet të vijojë reformat dhe të miratojë Kodin Zgjedhor.

I pyetur nga Deutsche Welle, nëse Shqipëria do të marrë dritën jeshile për fillimin e negociatave të anëtarësimit me BE-në në qershor, Michael Roth tha se ?Një gjë është e qartë: Çdo vend kandidat matet me arritjet e veta. Këshilli i BE-së vendosi në qershor 2018 se me çfarë do të maten përparimet e Shqipërisë. Këtu kanë rëndësi qendrore reformat në administratën publike, gjyqësor, lufta kundër korrupsionit dhe krimit të organizuar si edhe të drejtat e njeriut. Shqipëria duhet të vazhdojë të ndjekë reformat e saj, në mënyrë që shtetet anëtare të BE-së ? të cilat duhet ta marrin këtë vendim njëzëri ? të jenë të bindur se përparimi i saj është i mjaftueshëm për fillimin e negociatave të anëtarësimit. Qeverisë federale për një “po” i nevojitet drita jeshile nga Bundestagu.?.

Gjithashtu Roth ka vlerësuar procesin e Vettingut, ndërsa theksoi se ?Procesi i verifikimit të gjyqtarëve ? i ashtuquajturi vetting ? i cili ka filluar vitin e kaluar,  është duke ecur mirë. Deri më tani janë shqyrtuar ose janë tërhequr nga procesi paraprakisht gati 100 gjyqtarë dhe prokurorë. Rreth gjysmës së tyre iu desh të largohej nga gjyqësori kryesisht sepse nuk mund të shpjegonte me besueshmëri origjinën e pasurisë. Përveç kësaj, për plotësimin e vendeve vakante është ngritur një institucion i ri i pavarur dhe  Shkolla e Magjistraturës po e përmirëson cilësinë e kualifikimit të tyre. Megjithë vështirësitë e mëdha që ka, kjo reformë gjyqësore është shembullore.?.





Lajmet e fundit nga