web counter
LEXO PA REKLAMA!

SHKARKO APP

App Store
Google Play

E fundit!

x

Basha me studentët/ Do anullojmë ligjin për Arsimin e Lartë

29 Janar 2019, 11:26, Aktualitet CNA

Kryetari i Partisë Demokratike, Lulzim Basha ka udfhëtuar sot drejt Shkodrës, ku pasi është takuar dhe njohur nga afër me problematikat e tregtarëve, po zhvillon një bashkëbisedim me të rinj të këtij qyteti.

Basha tha para të rinjve se “Grupi Parlamentar i PD mori dje një vendim, se akti i parë që qeveria e Partisë Demokratike do të ndërmarrë, është anulimi i Ligjit për Arsimin e Lartë.”

Ledja Ashta, një gjimnaziste, e pyeti kreun e  opozitës: “Së shpejti duhet të jem në një Universitet. Dëshiroj të studioj për punë Sociale. Cili është qëndrimi që do të mbajë Partia Demokratike në lidhje me Arsimin e Lartë?”

Basha tha: “Dje kemi marrë një vendim me Grupin Parlamentar të Partisë Demokratike. Kur Ligji kaloi ne e kundërshtuam në Parlament. Ne e konsiderojmë këtë ligj, rrënjën e së keqes, që ka zaptuar universitetet, rrënjën e të keqes nga e cila po vuajnë studentët shqiptarë. Me këtë ligj korruptiv nuk bëhet gjë tjetër veçse thellohet politika e vetme e Edi Ramës, merri shumicës, jepi pakicës. Në këtë rast vjedhja bëhet edhe më e dhimbshme, sepse tarifa për bachelor dhe master në Shqipëri, është më i larti në Europë. Cilësia është me dobëta në Europë, nga më e dobëta në botë. Jeta universitare kontrollohet nga një gruisht njerëzish për interesa politike dhe korruptive financiare. Anulimi i Ligjit për Arsimin e Lartë do të jetë akti i parë që qeveria e Partisë Demokratike do të ndërmarrë. Por kjo nuk mjafton. Ne duhet të nisim tani punën për hartimin e një ligji të arsimit të lartë, të standardeve dhe parimeve europiane.”/ CNA.al





Lajmet e fundit nga