Zef Brozi thirrje prokurorëve/ Mos humbisni shansin të futeni në histori

26 Janar 2019, 10:30, Aktualitet CNA

Ish kryetari i Gjykatës së Kosacionit, sot Gjykata e Lartë, Zef Brozi u bën thirrje prokurorëve të aplikojnë për t?u bërë pjesë e SPAK.

Brozi thotë se SPAK është një shans dhe nder i madh për prokurorët sot, por edhe shans i humbur përgjithmonë nëse ata nuk aplikojnë.

?SPAK (Prokuroria Speciale) është një shans dhe nder i madh për prokurorët sot, por mbase dhe një shans i humbur përgjithmonë nëse ata nuk aplikojnë këto ditë.

Duket disi e pabesueshme dhe lë një shije të hidhur fakti se ndonëse Shqipëria ka qindra prokurorë, vetëm dy prokurorë kanë aplikuar deri tani për në SPAK që pritet të krijohet dhe të fillojë punë pa vonesa të mëtejshme. SPAK dhe BKH (Byroja Kombëtare e Hetimit) janë dy organet e reja dhe më të rëndësishmet e Reformës në Drejtësi. Të shërbesh në to do të jetë dhe privilegji dhe nderimi më i madh profesional. Në një shtet normal konkurenca për në këto organe do të ishte tepër e madhe. Por në Shqipërinë tonë të dashur duket se jonormalja po mbizotëron.?-shkruan Brozi.

Më tej, ai deklaron se ligji për SPAK ka vënë disa kritere e kërkesa të panevojshme dhe tëpër kufizuese po ndikon negativisht edhe për aplikimet.

?Mbase edhe fakti se ligji për SPAK ka vënë disa kritere e kërkesa të panevojshme dhe tëpër kufizuese po ndikon negativisht edhe për aplikimet. Mendoj se nëse ligji përkatës do parashikonte që për SPAK kanë të drejtë të aplikojnë prokurorët që kanë mbaruar Shkollën e Magjistraturës dhe që kanë të paktën dy vjet punë si prokurorë, si edhe prokurorët e tjerë që kanë jo më pak se 5 vjet eksperience, sot do kishte dhjetra e mbase qindra aplikime. Brezin e ri të prokurorëvë ligji e ka përjashtuar sepse kërkon një eksperience pune jo më pak se 15 vjet.?.

Githashtu ai i bën apel atyre prokurorëve kurajozë dhe me integritet të mos e humbasin shansin që u jepet sot për të konkuruar sa më shpejt për në Prokurorine Speciale (SPAK). ?Prokurorët e kësaj prokurorie dhe Byroja Kombëtare e Hetimit kanë shansin të futen në historinë më të mirë të Shqipërisë duke provuar me punën e tyre se edhe pushtetarët e ish pushtetarët e lartë të cdo kohe dhe rangu nuk do të vazhdojnë të jenë më të pandëshkueshëm për krimet dhe korrupsionin e tyre.?-përfundon Brozi apelin e tij drejtuar prokurorëve.