web counter
LEXO PA REKLAMA!

SHKARKO APP

App Store
Google Play

E fundit!

x

Ish-sigurimsi në KLP/ Si u katalputua nga Arta Marku

26 Janar 2019, 13:54, Aktualitet CNA

Deputeti i Partisë Demokratike, Gent Strazimiri ka dalë sërish në deklaratë për mediat për çështjen e prokurorit dhe ish-sigurimsit Bujar Sheshit.

Strazimiri theksoi se ish-anëtari i sigurimit të shtetit Bujar Sheshi ka kaluar vettingun në mënyrë të paligjshme.

Deputeti demokrat tha se mosreagimi i Prokurores së Përgjithshme të Përkohshme, Arta Markut pas deklaratës së parë të PD-së tregon se ajo po hesht për të mbuluar kapjen e drejtësisë nga kryeministri Edi Rama.

?Ne i kërkuam Arta Markun të japë sqarim për çfarë arsye e dërgoi në vetting aplikimin e Bujar Sheshit pa mbushur kriterin ligjor, pra pa marrë përgjigjen e autoritetit të dosjeve për kandidatin e drejtësisë së reformuar.

Arta Marku po hesht për të mbuluar mekanizmin mafioz që Edi Rama ka përdorur për të kontrolluar KLP. E vërteta është se organet e reja të drejtësisë nuk janë të pavarura, por punojnë të shantazhuara. Ky është motivi pse Marku e mbylli një sy dhe bëri që Bujar Sheshi të kaloi vettingun.?-tha ai.

Më tej, Gent Strazimiri shtoi se publikimi i dosjeve të Bujar Sheshit ngfa Arta Marku u bë pasi prokurori votoi kundër Partisë Socialiste.

Ndërsa tani që Bujar Sheshi votoi kundër partisë së shokut Edver, Arta Marku po qarkullon dosje që thonë se kalimi i vettingut nga Bujar Sheshi është bërë në kundërshtim me ligjin dhe duhet shkarkuar.

Por së pari duhet shkarkuar Arta Marku e cila lejoi një shkelje të tillë. Organet e reja të drejtësisë janë kapur nga partia e shokut Edver, i cili po mundohet ta kontrollë atë. Ndaj të gjithë së bashku duhet të mblidhemi në protestë për të larguar Edi Ramën.?-u shpreh deputeti i PD-së./CNA.al





Lajmet e fundit nga