web counter
LEXO PA REKLAMA!

SHKARKO APP

App Store
Google Play

E fundit!

x

Grave të forta nuk u bën “hije” askush

18 Janar 2019, 22:40, Aktualitet CNA

Gratë e forta dhe të pavarura janë ndryshe. Ato kanë një identitet të qartë dhe nuk pranojnë të fshihen nën hijen e askujt.

Jo të gjithë njerëzit mund të qendrojnë afër grave të tilla, sidomos kur bëhet fjalë për lidhjet romantike.

Për shumë kohë vajzave u është mësuar që të bindeshin ndaj dëshirave të burrave, për fat të keq ky rregull i pashkruar për shumë kohë i ka vendosur barriera potencialit të tyre. Të gjendura në kushte të tilla, me një shoqëri e cila pret që gruaja të përmbushë fillimisht detyrimet e vendosura nga stereotipet, gratë shpesh e kanë lënë pasdore veten  dhe ëndrrat e tyre.

Në fakt për shumë kohë grave u është dashur të shtiren dhe të pranojnë mediokritetin e jetës që jetonin, duke ju bindur rolit të shtëpiakes, kujdestares së fëmijëve, infermieres, apo profesioneve të tjera të ?destinuara? për gra. Vite më parë, por edhe sot gratë e kanë pasur të pamundur të dilnin jashtë vorbullës të profesioneve, apo aktiviteteve të projektuara enkas për to.

Sot gjërat janë duke ndryshuar. Kemi më shumë mundësi për të bërë atë që duam. Gjithsesi ka ende shumë punë për t?u bërë sa i takon barazisë gjinore, por duke parë progresin e bërë në 100-vjeçarin e fundit, mund të themi se jemi në rrugën e duhur.

Gjithnjë e më shumë gratë janë duke vendosur vetë për jetën e tyre pa u ndikuar aspak nga ajo që mendojnë të tjerët.

Këto gra të mençura, të motivuara, të shkolluara dhe të afta janë duke krijuar një rrugë të sigurtë për veten dhe për çdo vajzë tjetëe që do të ecë në hapat e tyre. Gratë e këtyre dimensioneve i vendosin vetë limitet e jetës së tyre, kjo bën që të fitojnë respekt dhe që të mos qendrojnë kurrë nën hijen e dikujt tjetër./CNA.al





Lajmet e fundit nga