E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Familja mbretërore e tronditur: Princi përfshihet në aksidentin e rëndë rrugor

18 Janar 2019, 19:30, Aktualitet CNA

Princi Philip aktualisht është ?i vetëdijshëm, por shumë i tronditur? pas aksidentit që u përfshi me Land Rover-in e tij.

Raportohet se përplasja ka ndodhur rreth orës 3, gjatë pasdites.

Imazhet janë bërë virale në internet ku duket qartë Land Rover-i i zi që është përplasur me një mjet që transportonte njerëz.

Policia dhe ambulanca kanë nxituar për në vendin e ngjarjes ku thuhet se dy persona u trajtuan pasi kishin lëndime të lehta.

Duka u vizitua nga një doktor në ?Estate Sandringham?.

Korrespondenti mbretëror Nicholas Witchell, është shprehur se një dëshmitar ka thënë se Duka pas aksidentit ishte i ndërgjegjshëm, por tej mase i tronditur.

Ekspertët kanë paralajmëruar herë pas here që të moshuarit duhet të kenë tepër kujdes në drejtimin e automjetit.

Sipas ligjeve për drejtimin e automjetit në Mbretërinë e Bashkuar, qytetarët duhet të aplikojnë përsëri për patentën e tyre sapo të mbushin 70 vjeç.

Rhiannon Mills, korrespondentja mbretërore e Sky, tha: ?Natyrisht, fakti që ai është 97 vjeç, ka shqetësimet e veta. Ai është shumë i pavarur dhe aktiv.?

Kryepeshkopi i Jorkut shkroi një lutje për Princin Philip pas aksidentit.

Ai shkroi: ?Perëndia i plotfuqishëm, burimi i gjithë mirësisë. Ne lutemi me përulësi për të bekuar Philip Dukën e Edinburgut. Mbroje atë me Frymën tënde të Shenjtë; ta pasuroni me hirin tuaj qiellor; çojeni në mbretërinë tënde të përjetshme, nëpërmjet Jezu Krishtit, Zotit tonë. Amen.?

Në një deklaratë të Pallatit Buckingham thuhej: ?Duka i Edinburgut është përfshirë në një aksident trafiku rrugor me një automjet tjetër këtë pasdite. Duka nuk u plagos. Aksidenti ndodhi në afërsi të pronës Sandringham. Policia lokale mori pjesë në ngjarje.?

Duka ka qëndruar me Mbretëreshën në Sandringham që nga Krishtlindjet. Ai u tërhoq nga jeta publike në gusht, 2017.

Ai nuk u bashkua me Familjen Mbretërore për shërbimin tradicional të Krishtlindjeve, por është shfaqur së bashku me Mbretëreshën në disa ngjarje që prej daljes në pension të tij.

Philip u martua me Elizabetën në vitin 1947 dhe ka qenë pranë gruas së tij gjatë gjithë mbretërimit të saj të gjatë.

Kujtojmë se Duka është përfshirë në një aksident edhe më parë.

Në vitin 2010 ai plagosi kyçin e këmbës kur karroca e tij me kuaj goditi një pemë në Estate Windsor.